పొద్దు

-ఆదినారాయణరెడ్డి

మనపెద్దలు మనకు పూజలు, సేవలు, జపాలు, వ్రతాలు, హోమాలు, యజ్ఞాలు, యాగాలు, తపస్సులు, యోగాలు, ధ్యానాలు మొదలైన వెన్నో భగవత్ ప్రీత్యర్థం ఉపదేశించారు. కానీ భగవంతుడు ఏమిటి? ఆయనను ప్రసన్నం చేసుకునే మనం–అంటే వాటిని నిర్వహించే “నేను” అనుకొనే ఎవరికి వారైన మనమంతా ఏమిటి? అంటే మన సిసలైన ప్రామాణిక స్వరూపం ఏమిటి? ఈ”నేను”ను మనపూర్వులు ఎవరెవరు ఏయే విధంగా తెలియజేశారు? ఈ విషయంలో నాకు కల్గిన అతి పరిమితమైన జ్ఞానాన్ని తమ ముందు సమర్పించుకుంటున్నాను. పాఠకులైన తామందరూ తమకు గల అపార జ్ఞానాన్ని నాతో పంచుకొని నాకు మరింత తెలుసుకునే అవకాశమిస్తారని ఆశిస్తున్నాను.

“నేను అనగా నా శరీరము” అని భావించడం సరియైన సమాధానము కాదు. శరీరము ఏర్పడక మునుపు దాని నిర్మాణము యొక్క ఆవశ్యకతకు ప్రేరేపణ ఏమిటి? కొందరు చెప్పవచ్చు.. తల్లిదండ్రుల శారీరిక సంపర్కమే కదా? అని. అది కొంతవరకు మాత్రమే సరియైనది. తల్లిదండ్రుల పరంపర, పంచ భూతాల పరంపర, ఖగోళం లోని మొత్తం పాలపుంతల పరంపర ఇవన్నీ కూడా సృష్టింప బడటానికి మూల శక్తి ఒకే ఒక్కటి. దానినే “అహం” అని ఉపనిషత్తుల సారాంశమైన భగవద్గీతలో చెప్పారు.

అని.ఇంత వరకూ దీనికి అర్థం చెప్పిన చాలామంది – “అన్ని ప్రాణులలోనూ నేనే స్థితమై ఉన్నాను. ప్రాణులయొక్క మొదలు, మధ్య, అంతమూ (అంతం చేయువాడను),అంటే– సంహరించు వాడను నేనే” అని శ్రీకృష్ణుడు చెప్పినట్లుగా చెప్పారు. భూతానాం అన్నపదానికి ప్రాణులు అన్న అర్థాన్ని తీసుకున్నారు.

అయితే, “భూతానాం” అంటే “పంచభూతాలకూ” (భూమి, నీరు, అగ్ని, వాయువు, ఆకాశములన్నింటికీ) అని అర్థం చేసుకుంటే … భూమికి పరిమితి ఉంది. నీటికి పరిమితి ఉంది. అలాగే వాయువుకు, అగ్నికీ పరిమితం వుంది. అంతు లేనిదీ ఆరంభం కూడా లేనిదీ ఒక్క ఆకాశం మాత్రమే. కానీ శ్లోకంలో చెప్పినదేమిటంటే ఆకాశానికి కూడా అంతం “నేను” అని. దానినే “అహం” అనీ “ఆత్మ” అనీ అన్నారు. అంటే— అనంతమైనదీ, సర్వ బహ్మాండాలనూ తనలో స్థితం చేసుకున్నదీ అని —మనం అనుకొనే ఆకాశం “నేను” ముందు పరిమితమే!

“భూతానామంతమేవచ” అనగా ఆకాశంతో సహా పంచభూతాలు సమస్తమూ “అహం” (ఆత్మ/నేను) లో ఉన్నాయి అని అర్థం. అంటే పంచభూతాల సృష్టికర్త ఈ “నేను”. శ్రీకృష్ణపరమాత్మ చెప్పినట్లుగా గీతలో పేర్కొనబడిన ఈ సత్యం … వాస్తవంగా వ్యాసమహర్షిచే సంకలనమైన ఉపనిషత్తుల సారం. (కృష్ణుణ్ణి బ్రహ్మాండ కుక్షింభరుడుగా, పరమాత్మగా భావించేవారికి ఈ భావం మింగుడుబడక పోవచ్చు. ఐతే కృష్ణుడు కూడా సాందీపని అనే గురువు వద్ద విద్య నభ్యసించిన ఒక శిష్యుడే అని తెలుసుకుంటే ఈ సమస్యకు సమాధానం లభిస్తుంది. ఈ శిష్యుడు తాను చదివి, గ్రహించిన చదువులలోని సారాన్నంతా సమయం వచ్చినప్పుడు అర్జునునకు ఉపదేశించి, పరమగురువుగా వెలుగొందినాడు. కానీ దీనినంతా మనకు ప్రసాదించినది మాత్రం సత్యమెరిగిన వ్యాసభగవానుడే) అందుకే కాబోలు సరస్వతీపుత్ర బిరుదాంకితులైన స్వర్గీయ పుట్టపర్తి నారాయణాచార్యులు గారు ఒకసారి ఆకాశవాణి కడప కేంద్రం నుండి ప్రసంగిస్తూ, “వ్యాసమహర్షి ఆకాశం మొత్తాన్ని తన పిడికిట్లో ఇముడ్చుకున్న మహనీయుడు” అని కీర్తించారు.

ఇదే విషయాన్ని అదిగురువు శంకరాచార్యులు మరికొంత వివరంగా తెలియ జేశారు. అదేమిటంటే…నేను ఏదికాదు? నేనేమిటి? అనేదానికి పరిపూర్ణ వివరణ.

అనగా మనస్సు, బుద్ధి, అహంకారము, చిత్తము అంటే వీటి యొక్క చైతన్యము (Consciousness) … ఇవి “నేను” కాదు. జ్ఞానేంద్రియములైన చెవి, నాలుక, ముక్కు, కన్ను – వీటియొక్క జ్ఞాన సంపత్తి “నేను” కాను. భూతసముదాయాలైన ఆకాశము, భూమి, తేజస్సు (అగ్ని), గాలి — ఇవేవి నేను కాను.

మరి నేనెవ్వరు అంటే … యే బంధానికి సంబంధము లేని శాశ్వత ఆనంద స్వరూపమైన శివాన్ని. ఈ గురువుగారు తనదైన శైలిలో “నేను”(ఆత్మ) “శివం” అన్నారు.

సిసలైన “నేను”కు తల్లి, తండ్రి, బంధువులు, మిత్రులు, జాతిభేదం లేదు. ఎందుకంటే అసలు జన్మే లేదు కాబట్టి – మృత్యువు కానీ, దాని వలన భయము కానీ లేవు. పుట్టలేదు. కానీ ఉంది. అదీ “నేను”-“అహం”-“శివం” “ఆత్మ” .

జన్మలేదు. మరణములేదు. భూత భవిష్యత్తులు లేవు. నిత్యము, శాశ్వతము, పురాతనమైనది ఆత్మ.

సర్వ నేనులు కూడా “నేను” (ఆత్మ) యందే ఆది, మధ్య, అంత్యములను పొందినట్లు భ్రాంతి కలుగుతుందేకానీ–వాస్తవం మాత్రం “నేను” లో జరిగే పరిణామక్రమమే!

ఒక ప్రార్థన ఉంది –

– అని. ‘అంతం లేని వాడు’ అనే పేరు గల్గిన వాడు అని ఒకర్థం. ‘ఇన్ని పేర్లు అని చెప్పడానికి వీల్లేనన్ని పేర్లు గలవా’డనేది మరో అర్థం. (రెండర్థాలూ సమంజసమే)ఇక అన్ని ఆకారములూ తనే. అన్యము లేదు. అంతా తనే. అన్నీ తనే. ఒక్కటే–.మహా కవి పోతన అంటాడు. “సర్వము తానయైన వాడెవ్వడు వాని నాత్మభవు నే శరణంబు వేడెదన్” అని.(భాగవతం లోని గజేంద్ర మోక్షం ఘట్టం లోనిది) అన్నిమంత్రాలు కూడా తనే. ఈ అనంత విశ్వ పతి ఒక్కడే. ” నమహా ఆంటే–వందన మాచరిస్తున్నా నని కాదు.(“మహా”మమ కారం “న” లేదు. అంటే నేనన్నది లేదు). ఈ తాత్ కాలిక నేను అన్నది లేదు. ఉన్నదొక్కటే. ఈ అవగాహనే ఈ మంత్ర పరమార్థం. అలా కాకుండా నేను వందన మాచరిస్తున్నాను-అంటే మన శరీరం లోని ఒకానొక పరమాణువు మనకు నమస్కరించి నట్లుగా –అది మనకొక గుడి కట్టిస్తానని మొక్కు కున్నట్లుగా అదొక జోక్ గా ఉంటుంది.

పద కవితా పితామహుడైన తాళ్ళపాక అన్నమాచార్యులవారు.”భావము లోన బాహ్యము నందును” కీర్తనలో “అచ్యుతు డితడే ఆదియు నంత్యము” “హరిలోనివే బ్రహ్మాండంబులు”అంటారు.”బ్రహ్మమొక్కటే పర బ్రహ్మమొక్కటే” అంటూ విశద పరుస్తారు. మరో రచనలో “పురుడు లేదుర నీకు పురుషోత్తమా” అంటారు -ఇలా వివిధ రీతుల్లో అనంత విశ్వశక్తి యొక్క ఏకత్వాన్ని వివరించడం జరిగింది.

జ్ఞానోదయానంతరం గౌతమబుద్ధుడు కూడా అంతా శూన్యం నుండే ఏర్పడిందనే చెప్పాడు. తెలిసో తెలియకో సాధువులనిపించుకున్న వారు వూతపదంగా చెప్పే మాట “అంతా మిథ్య” అని. ఇందు లోని పరమార్థ మేమిటో సైన్సు ప్రకారం నిరూపించ వచ్చునేమో కొంత పరికించి చూద్దాం. అనంత విశ్వంలోని ఏ పదార్థమైనా మూలకాలు లేకుండా లేదని శాస్త్రవేత్తలు చెబుతున్నారు. ప్రతి మూలకము కూడా ఎలెక్ట్రాన్స్ , న్యూట్రాన్స్, ప్రోటాన్స్ (వీటిని ENP అందాం) అనే ఈ మూడూ ఆయా నిష్పత్తుల సమ్మేళనముతో ఏర్పడిందని కూడా ప్రపంచ శాస్త్రవేత్తలందరూ నిరూపించి ఏ అభిప్రాయ భేదాలూ లేకుండా వున్నారు కదా! మరి మూలకాలకు మూలమైన ENP ల వుత్పత్తికి మూలం ఏది?

ఇంతవరకూ నిర్దిష్టంగా ఎవ్వరూ కనుగొన్న దాఖలాలు లేవు. ఎన్ని ఆవిష్కరణలు జరిగినా మూలము ఇదీ అని నిరూపించగలిగినా…. అన్నింటికీ మూలం మాత్రం అనంతమహా శూన్యమనే చెప్పక తప్పదు. ఈ నేపథ్యంలో మన అనుభవంలో గోవు జనితం గోవు, మేక జనితం మేక, మనిషి జనితం మనిషి, అలా దేనికి పుట్టింది ఆ జాతికి చెందుతుంది. కాబట్టి ప్రతి నిర్మాణానికీ మూలమైన ENP లు మహా శూన్య జనితాలైనప్పుడు. సర్వస్వానికీ మాతృక అనంత మహా శూన్యమే కదా! ఆవిధంగా మన అనుభవం ప్రకారం చూసినా గానీ శూన్య జనితాలైన సర్వస్వమూ కూడా శూన్యమే కదా! “అంతా మిథ్య” అన్నమన పూర్వుల మాట కేవల నిరాశావాదం కాదనీ, సాలోచనగానే వారు ఈ నిర్ణయానికి వచ్చివుంటారని మనం గ్రహించాలి.

ఆదినారాయణరెడ్డి గారు ఒక సామాన్య మధ్యతరగతి రైతు. పీ.యూ.సీ వరకూ చదువుకున్నారు. పాఠశాల విద్యకు అంతటితో స్వస్తి చెప్పవలసి వచ్చినా సామాన్యశాస్త్రం, చరిత్ర, ఆధ్యాత్మికాంశాలపట్ల ఆసక్తి కనబరుస్తారు. ఒక పల్లెటూర్లో, ఇప్పటిదాకా కంప్యూటర్ అంటే తెలియని ఒక వ్యక్తి, టెక్నాలజీ నేర్చుకొని ఇంత పూనికగా రాయడం e-తెలుగు సంఘానికి ఘనవిజయమే!

ఈ వ్యాసపు ఐదు భాగాల్లో ఇది చివరిది:

సూత్రము – 41 : అనన్యముగా శాసన విధేయమైన పౌరావళి.

వృత్తి :

(అ) అనన్యమనఁగా మఱుతలంపు లేకుండ.
(ఆ) శాసన విధేయత కేవలము ప్రభుత్వోద్యోగుల కుండవలసిన లక్షణముకాదు. అందరికిని ఉండవలెను. సామాన్యులలో శాసన విధేయత లేనిచో ప్రభుత్వోద్యోగులలో సైతమది మృగ్యమగును. ఏల ననఁగా వారు కూడ సామాన్యులలోనుండి వచ్చినవారే.
(ఇ) పరంపరాగతమైన సాంప్రదాయిక ప్రమాణముల పట్లఁ బ్రజలకున్న శ్రద్ధాభక్తివిశ్వాసములే ప్రభుత్వము పట్లను, దాని శాసనముల పట్లను విధేయతగా దశాంతరముఁ జెందుచున్నవి. కావున ప్రజల మత విశ్వాసములు ప్రజాస్వామ్యమునకు బలవర్ధకములే గాని తదన్యము కావు. దేనిపట్లను విశ్వాసము గాని, తాత్పర్యము గాని లేనివారినుండియే యే వ్యవస్థకైనను బెనుముప్పు పొంచియుండును. ఒకదానికిఁ దలయొగ్గుట నభ్యసించినవారు మరొకదానికిఁ దలయొగ్గుట మిక్కిలి సులభము. తద్భిన్నముగా -నొకదాని పట్లఁ దిరుగుబాటును బ్రోత్సహించినచోఁ బ్రజలు క్రమముగా నన్నింటిపైనను దిరుగఁబడెదరు. మానవ మనస్సొకచోట నొకవిధముగాను, వేఱోకచోట వేఱోక విధముగాను బ్రవర్తించునట్లు ప్రకృతి యేర్పఱింపక పోవుటయే దీనికిఁ గారణము.
(ఈ) సంప్రదాయమునకుఁ జక్కని ప్రత్యామ్నాయ మేర్పడినప్పుడు సంప్రదాయమును వ్యతిరేకింప నక్కఱలేకయే ప్రత్యామ్నాయము సుప్రతిష్ఠితమగును. ప్రత్యామ్నాయ మేర్పడనప్పుడు సంప్రదాయము నెంతగా వ్యతిరేకించినను గడకు దానినే యనుసరింపక తప్పదు.

సూత్రము – 42 : సేవోపజీవనమైన ప్రబల మధ్యతరగతి.

వృత్తి :

(అ) సేవ యనఁగా – చూ. ఈ యధ్యాయమునందలి 8 వ సూత్రమునకు వ్రాసిన వృత్తి.
(ఆ) సమాజమునందు నూటికిఁ దొంబదిమంది ధనికులే యయినను, అంతమంది దరిద్రులున్నను బ్రజాస్వామ్యమర్పడుట కడిఁది. అట్లు గాకనూటికిఁ గనీసము నలుబదిమంది చదివికొన్న మధ్యతరగతివారున్నప్పుడుప్రజాస్వామ్య సూత్రములను జక్కగాఁ బాటించుటకు వలనుపడును.
(ఇ) ఏల ననఁగా – ధనికులకు రాజకీయముల కన్న వ్యవసాయ వాణిజ్యములే ముఖ్యము. దరిద్రుల కెవరు పరిపాలించినను ఒక్కటియే. అట్లు గాక ప్రభుత్వ విధానముల నర్థము చేసికోగలదియు, వానిచేతఁ బ్రభావిత మగునట్టిదియు నగు విద్యావంత మధ్యతరగతి వర్గము రాజకీయ పరిణామములకు దీటుగా స్పందించును.
(ఈ) ఆ మధ్యతరగతి వ్యవసాయమునకో వాణిజ్యమునకో చెందినది కాక సేవావృత్తులకుఁ జెందినదై యుండుట లెస్స. సేవావృత్తులవారు తమ యజమానులను మెచ్చించు నిమిత్తము వివిధ విద్యలభ్యసించెదరు. చదివికొన్న మధ్యతరగతివర్గము తమను గమనించుచున్నదను భయము రాజకీయవాదులలో లేనిచోఁ బ్రజాస్వామ్యము రక్తికట్టదు.

సూత్రము – 43 : సమాజములో సుస్పష్టమైన శ్రమవిభజనము.

వృత్తి :

ఈ పని వీరు చేయఁదగును, ఆ పని వారు చేయఁదగును అని పనులనుబంపిణీ చేసికొనుటయే శ్రమవిభజనము.
(అ) నాగరికతా విజ్ఞానములు బాగుగా ముందునకుఁ బోయిన సమాజములయందును, జనసంఖ్య వేల లెక్కను దాఁటి కనీసము లక్షల మట్టమునకుఁజేరికొన్న సమాజములయందును, ఏటేటఁ గ్రమము దప్పక యాహార వనరులను బ్రసాదించు ప్రకృతిసంపద యున్న దేశములందును మాత్రమే శ్రమవిభజన సాధ్యము.
(ఆ) శ్రమవిభజనమున్నచోటఁ బ్రత్యేక నైపుణ్యములకున్ను, వానికి సంబంధించిన విద్యార్హతలకున్ను, వానిని సంపాదించువారికిన్ని ఒక విశిష్టమైన విలువయేర్పడును. పనిసేయించు నాయకులెవరైనను గావచ్చును గాని పనినిబ్రత్య క్షముగాఁ జేయువాఁడు మట్టుకు ఆ పనికి సంబంధించిన విద్యలోఁబ్రత్యేక నైపుణ్యమున్ను విద్యార్హతయుఁ గలిగినవాఁడే యయి యుండవలెనన్నది ప్రజాస్వామ్య నియమము. మాటిమాటికిని మారిపోవు ప్రజా స్వామ్యప్రభుత్వముల యస్థిరత నడుమ ప్రజాస్వామ్యమును సుస్థిరముగా నిలువఁబెట్టుచున్నది ఈ నియమమే.
(ఇ) శ్రమవిభజనమున్నచోట హక్కులను గూర్చియు బాధ్యతలను గూర్చియు ఖచ్చితమైన లక్ష్మణరేఖలేర్పడును. హక్కులను గాలరాఁచువారి పట్లను,బాధ్యతలను విస్మరించువారి పట్లను సమాజమునందు ద్వేషముండును.అటువంటివారికి శిక్షలు కూడ నుండును. అటువంటి వాతావరణము నాయకులచేతను, అధికారుల చేతను భయభక్తులతోఁ బనిచేయించుటకు మిక్కిలియనుకూలము.

సూత్రము – 44 : చొఱవ గల ప్రజలు.

వృత్తి :

ప్రతి విషయమునందును బ్రభుత్వ సహాయమును బ్రతీక్షింపకయు, నపేక్షింపకయుఁ స్వతంత్రమైన చొఱవఁ దీసికొను తత్త్వము గల ప్రజలున్నచోటఁ బ్రజాస్వామ్యము వర్ధిల్లును.
(అ) ప్రజలటువంటి స్థితికి రావలెనన్నచో నంతకుముందు ప్రజాసంక్షేమమేధ్యేయముగాఁ బరిపాలించిన ప్రాజ్ఞ నిరంకుశులైన దేశభక్త రాజులు గాని, దేశభక్త నియంతలు గాని యా దేశమున కుండియుండవలెను.
(ఆ) ప్రభుత్వ సహాయమును ధనరూపములోఁ గాని, వస్తురూపములోఁగాని, యనుకూల శాసనముల రూపములోఁ గాని, ప్రత్యేక కేటాయింపులరూపములోఁ గాని యాశించు పరాన్నభుక్ పరాధీన ప్రజలు లక్షలాదిగానున్న దేశము నందుఁ బ్రజాస్వామ్యము నడువదు. ప్రజలీ విధముగా భిక్షాపాత్రఁ జేపట్టి ప్రతిదానికిన్ని ప్రభుత్వమును దేవిరించు స్థితిలో నుండుటచేఁబాలక వర్గములు అడ్డు అదుపు లేనివై నిరంకుశముగాఁ జెలరేఁగిపోవును.అదియును గాక, భిక్షగాళ్ళను మఱియు బానిసలను నానాప్రాతిపదికములాధారముగా విడఁగొట్టుట మిక్కిలి తేలిక.
(ఇ) ఇట్లు ప్రభుత్వసహాయముల కెదురుసూచు సమాజములందు దానినివిరివిగాఁ బోందువారున్ను, బోత్తిగాఁ బోందనివారున్ను అని యిరుతెఱఁగులజనవర్గము లేర్పడును. కావునఁ బ్రభుత్వసహాయమును మిక్కుటముగాఁబోందువారి నిరంకుశత్వము తక్కుంగలవారికిఁ గంటగింపై యది తిరుగుబాటులకుఁ , గనీసము వర్గవైషమ్యములకుఁ దఱచుగా దారితీయును.
(ఈ) స్వతంత్రమైన చొఱవ లేనిచోట నెన్నికలలోఁ బోటిపడుటకున్నుసుప్రతిష్ఠితులైన వారికిఁ బోటిగా వ్యాపారములను నడుపుటకున్ను సైతముతగినంతమంది మనుష్యులు దొరుకరు.

సూత్రము – 45 : పట్టింపులకుఁ బరోక్షపాత్ర.

వృత్తి :

పట్టింపులనఁగాఁ గొన్ని నమ్మకముల మూలమున మనస్సులో నేర్పడు సున్నితత్వములు.
(అ) నమ్మకములకున్ను పట్టింపులకున్ను ప్రజాస్వామ్యము వ్యతిరేకము కాదు.ఏ పట్టింపును గాని యది నిషేధింపదు. కాని వానికిఁ బ్రభుత్వ వ్యవహారములలో బహిరంగ వ్యక్తీకరణమిచ్చుట యనేకములైన చిల్లర సమస్యలకు దారితీయును. కనుక వానికిఁ బ్రత్యక్షపాత్ర లేనటువంటి వాతావరణము నందుఁబ్రజాస్వామ్యప్రయోగము సత్ఫలితములిచ్చునని తాత్పర్యము.
(ఆ) ప్రజలందరికిని ఒకే విధమైన పట్టింపులు లేకపోవుట వలన వాని బహిరంగ వ్యక్తీకరణముచే ౌ్ఛుర్షణమేర్పడును. మతవిశ్వాసములున్ను పట్టింపులలో భాగము. ప్రజలందరున్ను ఒకే మతమునకఁ జెంది, యొకే దేవు నారాధించుచు, ఒకే విధమైన యుపాసనము జేయువారైనను, వారి వారి యాధ్యాత్మికానుభవములందును, దర్శనములందును బెక్కు వ్యత్యాసము లుండును. కనుక నొకరి పట్టింపు నామోదించి వేఱోకరి పట్టింపును దీఱిక సేయుటవివాదహేతువగును.
(ఇ) ప్రజాస్వామ్యమునందు దేశమునకంతటికిని ఒక యాధికారిక భాషవలెనె యొక యాధికారిక మతమును సైతము ప్రకటింపవచ్చును. కానియప్పుడు కూెడ విశ్వాసములను నేరుగాఁ బరిపాలన రంగములోనికిఁ దెచ్చుట కభ్యంతరమగును.
(ఈ) దేవుని పేరిటఁ గాని, పవిత్ర గ్రంథముల పేరిటఁ గాని ప్రమాణ స్వీకారములు సేయుటకున్ను, ప్రభుత్వ కార్యాలయాదికములలో నియమిత వేళలయందుఁ బ్రార్థనాదికములను నిర్వర్తించుటకున్ను ప్రజాస్వామ్య మడ్డుపడదు. కాని విశ్వాసములాధారముగాఁ బరిపాలన పరమైన నిర్ణయములుదీసికొనుట కభ్యంతరమగును.
(ఉ) పరిపాలనమునందుఁ బ్రతికూల జోక్యమును గలిగించికొననంత వరకుఁ బ్రజలలోఁ బట్టింపులుండుట ప్రభుత్వమునకున్ను మంచిదే. ప్రభుత్వయంత్రాంగపు సేవలు లభ్యము కాని చోట్ల సైత మట్టి విశ్వాసములు ప్రభుత్వయంత్రాంగము వలెనె పనిసేయుచుఁ బ్రజలను వారి హృదయాంతరాళమునుండియే యదుపాజ్ఞలలోఁ బెట్టునని గ్రహించునది.

సూత్రము – 46 : స్వేచ్ఛ.

వృత్తి :

ఒక కుటుంబము గాని, యట్టి యసంఖ్యాక కుటుంబముల సమూహములు గాని తాము తాముగా బ్రదుకుటకున్ను , సంఘముగా నేర్పడుటకున్ను , తాము తాముగా నాలోచించుటకున్ను, ప్రవర్తించుటకున్ను, పనిసేయుటకున్ను, ఆనందించుటకున్ను, తమకుఁ బ్రకృతి ప్రసాదించిన శక్తిసామర్థ్యములను మరియుఁ దమ పరిసరములలోని వనరులను దమ యిష్టప్రకారము వినియోగించుటకున్ను, వెచ్చించుటకున్ను మరియు నేతtసర్వ విపర్యయమునకున్ను ఆటంకములు లేకపోవుట స్వేచ్ఛ.
(అ) ఎల్ల హక్కులున్ను స్వేచ్ఛయందే పర్యవసించును.
(ఆ) స్వేచ్ఛ యున్నసమాజములందుఁ బ్రజాస్వామ్యమేర్పడును. ప్రజా స్వామ్యము స్వేచ్ఛనుగాని, హక్కులను గాని ప్రసాదింపదు కాని యున్న స్వేచ్ఛను మఱియుఁదన్మూలకమైన హక్కులను శాసనబద్ధము గావింప వచ్చును.

సూత్రము – 47 : సమానత్వము.

వృత్తి :

ఒకే ప్రజాస్వామ్యమునందలి మనుష్యులెల్లరును సమానులు. ఎవ్వరైనను, ఎంతవారైనను బుట్టుకతో నితరుల కంటె నెక్కువ గాని, తక్కువగాని కారు. మనిషికిని మనిషికిని మధ్య సమానత్వము నంగీకరింపని దేశమునఁ బ్రజాస్వామ్య మేర్పడదు.
(అ) ఏ వ్యక్తియు సమష్టి లేకుండఁ దానొక్కఁడే బ్రతుకలేఁడు. సమాజములేకుండ నతని జ్ఞానము గాని, నైపుణ్యము గాని యక్కరకు రావు. వ్యక్తియశాశ్వతము. సమాజము శాశ్వతము. అందువలన నొకఁ డెంతటి వాఁడయినప్పటికిన్ని, సమాజమున కెంతగా సేవఁ జేసినవాఁడైనప్పటికిన్ని, ఒకవిశిష్టుఁడుగా మన్నన పొందవచ్చును గాని, సమాజమున కంటె మాత్రమెట్టి పరిస్థితులలోను గొప్పవాఁడు కాఁడు. సమాజమునందు అందరునుఅటువంటివారే కనుక నందరును సమానులు.
(ఆ) అందరును సమానమే కనుక, నెన్నికలలో నందరి యీకోళ్ళ విలువయు సమానము. పౌరహక్కులు సమానము. రాజకీయ హక్కులు సమానము. సామాజిక కర్తవ్యములు సమానము. పన్నులు సమానము. అవకాశములు సమానము. ఉద్యోగముల కర్హతలు సమానము. విధులు సమానము. ఒకే విధముగాఁ బనిసేయువారందరికిన్ని చెల్లింపులున్ను, ననుమతులున్ను సమానము. నేరనిర్ధారణపద్ధతి సమానము. విచారణపద్ధతి సమానము. నేరములకు విధించు శిక్షలు సమానము.
(ఇ) ఈ సూత్రము – ప్రభువులు ప్రజల నెట్లు మన్నింపవలెనో చెప్పునుగాని సమానత్వమున కొక పరిమాణమును నిర్ణయించుటకుఁ బూనికొనదు.మచ్చునకు – అందరికిని ఆస్తి సంపాదించు హక్కు సమానముగాఁ గలదనిచెప్పును గాని యందుల కొక సర్వసామాన్యమైన యుత్తరావధిని ఖరాఖండిగాఁ బేర్కొనదు.
(ఈ) రాజకీయ సూత్రమగుటం జేసి రాజకీయేతర రంగములలో నిదిబహుళముగాఁ గద్దు. గుణోత్తరతా నిదానమునందు సమానత్వ విచారణరద్దు.
(ఉ) యంత్రాదికములు లేకపోవుట వలన నాగరికతా నిర్మాణమునకై కార్మికవర్గపు శారీరికశ్రమ మీఁద మిక్కిలి యాధారపడు సమాజములలో నీ విధమైన సమానత్వమును, మఱియు దాని నాధారముగాఁ జేసికొన్న ప్రజాస్వామ్యమును ఆచరణమునందుఁ బెట్టుట షుమారుగా నసాధ్యము.

సూత్రము – 48 : సమానులు సమానుల మధ్య సమానులు.

వృత్తి :

అందరును దమ సాటివారి నడుమ మట్టుకే సమానులు. ఇదియపవాదసూత్రము. అనఁగా దీని ముందటి సూత్రమునకు మినహాయింపు. అనఁగా – నందరును తమవంటివారి మధ్య మాత్రమే సమానులు.
(అ) ఒకఁ డితరులతో సమానమగునా? కాదా ? యనునది – ఆతఁడు ఏవ్యవస్థలో భాగమై యున్నాఁడ ను విషయముపై నాధారపడి యుండును.ఆతఁడు తాను పుట్టిపెరిగిన దేశపుఁ బ్రజాస్వామ్య వ్యవస్థలో భాగమై, యచ్చటనివసించుచున్నప్పుడు తక్కుంగల తన తోడి పౌరులెల్లరితోడను సమానుఁడు. ఆతఁడే పరాయి దేశమునకుఁ బోయినప్పుడు అచ్చటి ప్రజాస్వామ్యమునందలి సభ్యులతో సమానుఁడు కాఁడు.
(ఆ) కుటుంబ వ్యవస్థలోఁ గొడుకు తండ్రితో సమానుఁడు కాఁడు. పదవతరగ తి చదువుచున్న యొక చట్ట తన తోడి చట్టలతో మాత్రమే సమానుఁడు.పరిపాలకుల నడుమ వాణిజ్యవేత్త యసమానుఁడు. పారిశ్రామికవేత్తలనడుమఁ గార్మికుఁ డసమానుఁడు. కేవిచ్చి ప్రయాణించువారి నడుమఁనదివ్వకుండఁ బ్రయాణించువాఁ డసమానుఁడు. నైపుణ్యము గల వారి మధ్యనదిలేనివాఁ డసమానుఁడు. అనఁగా నర్హతయే పరిగణనలోనికి వచ్చుననిభావము.
(ఇ) ఆ యర్హతను గొన్నిపట్టుల శ్రమించి సంపాదింపవలసి యుండును.మఱికొన్నిపట్టుల నది పురుషకారమున కతీతమై విధివిలానముగా నొనఁగూడవలసి యుండును.

: ప్రకరణాంత గద్య :

ఇది సకలసూరిసమ్మతిపాత్ర హరితసగోత్రపవిత్ర శ్రీ తాడేపల్లి భానుమతీ వెంకటేశ్వర పుణ్యమిథున తృతీయ పుత్త్ర శ్రీ లలితా మహామాతృనిర్ణిబంధ కృపాకటాక్ష వీక్షణైక సంపద్యమాన బహుభారతీగాత్ర శ్రీమాన్ లలితాబాలసుబ్రహ్మణ్యము రచించిన మందిమన్నియమను నభినవరాజనీతి తంత్రమునందుఁ బర్యాలోకనాఖ్యమగు నాఱవ ప్రకరణము.

-సత్యసాయి
త్రివిక్రమ్ గారు నాకు ఫోను చేసి కొపా గారితో చాటింగు చేస్తే ఆ సంభాషణని పొద్దులో ప్రచురిస్తామనగానే ఏనుగెక్కినట్లైంది. కొద్దిగా సంకోచించినా- అవతలున్నది అతిరథుడు కదా- పొద్దు వార్షికోత్సవాలలో నేనూ భాగస్వామిని కాగల అవకాశం వదులుకో దలుచుకోలేదు. మా సంభాషణ 2 దఫాలుగా సాగినా మొదటిది కొపా గారికి నచ్చక పోవడం, ఆఫైలు నిండా ఆ ఆ ఆ ఆ మాత్రమే మిగలడంవల్లనూ మూడవ దఫా చాటింగ్ చేయాల్సి వచ్చింది. అందుకే అనుకున్నదానికన్నా ఆలస్యం అయింది. అదీకాక వారానికొకసారే మాఇద్దరికీ అవకాశం దొరికేది. ఒకవారం కుదరకపోతే (రెండు సార్లు నా ఇంటర్నెట్ మొరాయించింది) మళ్ళీ ఇంకోవారం ఎదురు చూపులే శరణ్యం. .

తెలుగులో అంతర్జాల మాధ్యమంలో కబుర్లు చెప్పుకోవడం ఆనందదాయకమే అయినా కొద్దిగా కష్టమే అని చెప్పాలి. కొత్త యాహూ మెస్సంజర్ లో తెలుగులో మన బ్లాగులే మాదిరే చాటింగు చేయచ్చు. కానీ ఆంగ్లటైపింగంత వేగంగా తెలుగులో చేయలేకపోవడం సాంకేతికపరమైన ఇబ్బంది. తప్పనిది. మొదటి దఫా కాస్త కష్టమైనా రాను రానూ – దగ్గీ దగ్గీ సులభంగా దగ్గగలిగనట్లు – చాటింగు వేగం పెరిగింది. అదీకాక, మొదటి సారి చాటింగు పూర్తయే సరికి మాఇద్దరి మధ్యా మంచి అవగాహన కూడా ఏర్పడింది.

ఏం మాట్లాడుకోవాలన్న విషయం పొద్దు పూర్తిగా మాఇద్దరికే వదిలేయడం ద్వారా బాధ్యత పెరిగింది. కొపాగారు సూచించినట్లు నా తూర్పు, ఆయన పడమర అనుభవాలను కలబోయడంతో ప్రారంభించి, అనేక విషయాలు మాట్లాడుకున్నాం. చివరకి సంగీతం మీదకి, అక్కడినుండి బ్లాగుల మీదకి మళ్ళిన మా సంభాషణని పొద్దు కల్పించిన అవకాశానికి నెనర్లు చెప్పడంతో ముగించలేక, ముగించలేక ముగించాం. ఒకందుకు పోస్తే ఒకందుకు తాగామన్నట్లుగా పొద్దు ఒకందుకు మాకీయవకాశమిస్తే, మామధ్య మంచి స్నేహమేర్పడందులకు మాకు పనికొచ్చింది.

ఇద్దరు బ్లాగర్ల మధ్య సంభాషణ వేరేవారికి ఏరకంగా పనికొస్తుందన్న సందేహం మొదట నాకు కలగక పోలేదు. ఇదే సందేహం విజ్ఞులకీ కలిగే అవకాశం ఉంది. కానీ, ఒకసారి పరికించి చూచిన మీదట మామధ్య దొర్లిన విషయాలు వ్యక్తిగత అనుభవ జన్యాలైనా ప్రాక్పశ్చిమ దేశాల మధ్యనున్న సారూప్య, వైవిధ్యాలను – అన్నిటినీ స్పృశించలేక పోయినప్పటికిన్నీ – మా సంభాషణ బయల్పరచిందని అర్ధమైంది. అన్నింటినీ మించి, కనీసం వేరే వ్యక్తులు ఏంమాట్లాడుకున్నారోనన్న ‘కుతూహలాన్ని‘ తీరుస్తుందని నమ్ముతున్నా. :)) మీరందరూ గమనించే ఉంటారు- చాటింగులో మన భావాలు మెదిలేంత వేగంగా మన వేళ్ళు అక్షరాలని పేర్చలేవు. అందుకని ప్రశ్న, జవాబు పక్కపక్కన ఉండవు. ఒక సినిమాలో తుత్తి సుబ్రహ్మణ్యం అనే హాస్యనటుడు ఎదుటివాళ్ళు వేసిన ప్రశ్నకి ఒక ప్రశ్నాకాలం ఆలస్యంగా సమాధానం చెప్తోంటాడు. దాంతో ప్రతీ ప్రశ్నకీ జవాబు సరిగ్గా జోడించకపోతే కొంపలు మునిగే సమాధానాలొస్తుంటాయి. ఇక్కడా అంతే. ఉదాహరణకి మామధ్య జరిగిన సంభాషణ తునక చూడండి (దుడ్డు అక్షరాలు నా వ్యాఖ్యలు).

kotta pali: నగరంలో కార్లు విపరీతంగా ఉంటాయా? ప్రతి వాళ్ళకీ కారుంటుందా?

satyasaik: నేను చాలా వాటిని చూసా (నేను చూసినవి కార్లు కాదు – ఈసమాధానం ముందడిగిన ప్రశ్నది)

kotta pali: బౌద్ధాన్ని జనం ఇంకా ఫాలో అవుతున్నారా? సంతోషం.

satyasaik: ప్రతీ ఇంటికీ రెండు, మూడు కూడా (ఏంటీ రెండు, మూడు బౌద్ధాలా?)

అందువల్ల, మా సంభాషణని కొద్దిగా అటూనిటూ అమర్చి, అక్కడక్కడ దొర్లిన ముద్రారాక్షసాలని సవరించి ప్రకటించాల్సి వచ్చింది. కొపా గారు కూడ ఈ కూర్పులని హర్షించారు.

సత్యసాయి కొవ్వలి

………………….. ……….

బ్లాగరులు ఒకరితో ఒకరు కబుర్లు చెప్పుకుంటే, దాన్ని పాఠకుల కోసం ప్రచురిస్తే ఎలా ఉంటుంది అనే ఆలోచన ఫలితమే ఈ తూర్పూ పడమర! కొరియా కబుర్లతో నెజ్జనులను అలరించిన కొవ్వలి సత్యసాయి గారిని, కొత్తపాళీ గారిని కబుర్లు చెప్పుకోమన్నాం. గూగుల్ టాక్‌తో ప్రాక్పశ్చిమాలకు వారధి నిర్మించి వారిద్దరూ మాటలు కలిపారు. వారి కబుర్లలో మూడో భాగం వినండి. రెండో భాగం ఇక్కడ, మొదటి భాగం ఇక్కడా ఉన్నాయి.

సత్యసాయి: ఒక అమెరికా ఆయన మా వివి మేగజైన్ లో వివి లో సీరియస్ నెస్ లేకపోవడాన్ని తిట్టాడు
కొత్తపాళీ: ఆయనకి ఏఁవి సీరియెస్నెస్ కావలిట?
సత్యసాయి: కొరియావాళ్ళు మ్యూజిక్ చాలా ఇష్టపడతారు. వివి లో ఎప్పుడూ పండగ వాతావరణమే

కొత్తపాళీ: కానీ అతనన్నది నిజమే. క్లాసుల్లోనూ, చదువుకి సంబంధించిన సందర్భాల్లోనూ వీళ్ళు చాలా గంభీరంగానే ఉంటారు. నేను అధ్యాపక సహాయకుడిగా కొన్ని అండర్‌గ్రాడ్యుయేట్ క్లాసులు చెప్పాను .. జోకేసినా జనాలు నవ్వేవాళ్ళు కాదు! ఎక్కడి మ్యూజిక్?
సత్యసాయి: ఎక్కువ పాప్. సాయంత్రం అయితే వాళ్ళ సాంప్రదాయ వాయిద్యాలతో వివిని మ్రోత మోగిస్తారు
కొత్తపాళీ: అలాగా? సంతోషం! ఇక్కడ ఏ పండగ చేసినా వారాంతాల్లో మాత్రమే.
సత్యసాయి: ఒకసారి టీవీలో హిందీపాట పాడారు
కొత్తపాళీ: నిజమా???
కొత్తపాళీ: పిల్ల, అంటే విద్యార్ధుల, సంగీత బృందాలు బాగానే ఉంటాయ్. వివి చుట్టుపక్కల బార్లలో క్లబ్బుల్లో ఈ పిల్ల బృందాలకి ఛాన్సిస్తూ ఉంటారు. ఇది కాక వివికి సంబంధించిన విద్యార్ధి సంఘాల పార్టీలు.
సత్యసాయి: వీళ్ళ పాతకాలం పాటలు రవీంద్ర సంగీతానికి దగ్గర పోలికలు కనిపిస్తాయి
కొత్తపాళీ: Interesting
సత్యసాయి: వీళ్ళ పాతపాటలు ఎక్కువ యుధ్ధం, విడిపోవడం- మెలాంకొలీ- నేపధ్యంలో ఉంటాయిట
కొత్తపాళీ: అవును. చైనీయులు కూడా అంతే.
కొత్తపాళీ: సంస్కృతికంగా చాలా వరకూ చైనా నించి దిగుమతి చేసుకున్నారేమో కదా? చైనీయ సాంప్రదాయ సంగీతం తొంభై శాతం మోహన రాగానికి విభిన్న రూపాలే.
సత్యసాయి: అన్నట్లు మా వివి లో చైనా వివి వాళ్ళు వచ్చి శాస్త్రీయ కచ్చేరీ ఇచ్చారు.
సత్యసాయి: అమ్మాయిలు లంగా జాకెట్ల తో వచ్చి మన హిందోళం గట్రా రాగచ్ఛాయలతో భలే వీనుల విందు (కనులకు కూడా) చేసారు
కొత్తపాళీ: వేషాలు కూడ వేసుకున్నారా? ఆపెరా లాగా?
సత్యసాయి: వేషాలు కాదు వాళ్ళ సాంప్రదాయ దుస్తులట
కొత్తపాళీ: అలాగా? బాగుంది.
కొత్తపాళీ: నేను ఏనార్బరు వచ్చాక విదేశీ (ఎక్కువ జపనీయ) ప్రదర్శనలు బాగా చూశాను. అన్నట్టు నా మొదటి సంవత్సరంలో ఒక తైవానీయుడి సిద్ధాంత గ్రంధం ఇంగ్లీషు దిద్దిపెట్టాను. కృతజ్ఞతగా అతను చైనా టవును (ఫిలడెల్ఫియాలో బుల్లి చైనా టవును ఉండేది) దింసం మధ్యాన్న భోజనం తినిపించాడు. ఏం తిన్నానో గుర్తు లేదుగానీ మొత్తానికి చాలా వింత రుచులు రుచి చూసినట్టు గుర్తు.
కొత్తపాళీ: ఫిలడెల్ఫియా నగర ఆర్కెస్ట్రా ప్రపంచ ప్రఖ్యాతి గన్నది.
సత్యసాయి: ఊఁ
కొత్తపాళీ: హాలు కూడా బహు పురాతనమైనది, అద్భుతమైన ధ్వని నిర్మాణము (acoustics). కొంతమంది మహానుభావుల సంగీతం వినే అవకాశం దక్కింది అక్కడ.
సత్యసాయి: ఆఁహాఁ
కొత్తపాళీ: ఫిలడెల్ఫియా నగరం మధ్యలో ఫెయిర్‌మౌంట్ పార్క్ అని ఒక పేద్ధ పార్కు. ప్రపంచంలో ఒక నగరం మధ్యలో అంత పెద్ద పార్కు ఇదేనట. పైన కప్పు మాత్రం ఉండి, చుట్టూ గోడలు లేని ఆడిటోరియం ఒకటి ఆ పార్కులో ఉంది. దీన్ని మాన్ సెంటర్ అంటారు. ఆర్కెస్ట్రా వాళ్ళు వేసవిలో ఈ మాన్ సెంటర్లో వారానికి రెండు ప్రోగ్రాములు వాయిస్తారు.
సత్యసాయి: అలాగా
కొత్తపాళీ: వచ్చే వారం ప్రోగ్రాములకి ఈ సోమవారం పేపర్లో ప్రకటన పడేది. ఆ ప్రకటన కత్తిరించి పంపిస్తే, గేలరీలో రెండు టిక్కెట్లు ఉచితంగా ఇస్తారు. అలా చాలా కచేరీలు చూశాను.
సత్యసాయి: ఇదేదో బాగుందే
కొత్తపాళీ: వివి విద్యార్ధులకి సినిమాలకి కూడా కొంత తగ్గింపు ఉండేది. ఐడి చూపిస్తే చాలు. వివి వదిలిపెట్టక, ఉద్యోగం వచ్చాక, పూర్తి ఖరీదు పెట్టి సినిమా టిక్కెట్లు కొనడం చాలా కష్టంగా ఉండేది.
సత్యసాయి: అవును
కొత్తపాళీ: వివి వదిలిపెట్టాక వివి వదిలిపెట్టాక
సత్యసాయి: టికెట్ ధరెంత?
కొత్తపాళీ: అప్పట్లో మామూలు సినిమా ధర ఐదు ఆరు డాలర్లు ఉండేది.
సత్యసాయి: ఖరీదే!
కొత్తపాళీ: ఇప్పుడూ ఎందిన్నర నించీ పది దాకా ఉంది. మీకు తెలుసా, ఇక్కడ హాళ్ళలో ఒకటే క్లాసు, ఒకటే ధర.
కొత్తపాళీ: అవును.
కొత్తపాళీ: ఈలోపల మీరేవన్నా చెప్పండి. నేను కొంచెం నమలడానికి ఏమన్నా తెచ్చుకుంటా.
సత్యసాయి: హతవిధీ- నేల టికెట్ కొని కుర్చీకెగబాకే ఛాన్సు లేదా
సత్యసాయి: మన దేశంలో ప్రాంత భేదాల్లేకుండా లేకి తనం అలవాటు చేసుకున్నామనుకుంటా
కొత్తపాళీ: 
సత్యసాయి: కోయిన్ కి దారం కట్టిఅమెరికాలో పబ్లిక్ ఫోన్లనితెగ వాడారని విన్నా
కొత్తపాళీ: ఆఁ కరక్టే. సమయానికి గుర్తు చేశారు.
సత్యసాయి: మా అమ్మ ఫారిన్ రిటర్న్ డు
కొత్తపాళీ: Oh, really?
సత్యసాయి: మా తమ్ముడి దగ్గర ఉండే ఆయా (గుజరాతీ) ఫేమిలీ గురించి తెగ చెప్పేది
కొత్తపాళీ: భారతానికి తక్కువ ఖరీదులో పిలవటానికి కాలింగ్ కార్డులుండేవి.
కొత్తపాళీ: ఎవడో మధ్యవర్తి గాడు, ఎవరివో నెంబర్లని మాలాంటి వాళ్ళకి సగం ధరకి అమ్మేసేవాడు.
కొత్తపాళీ: అది మనం ఏ నంబర్నించి పిలుస్తున్నామో రికార్డు చేసేది. అందుకని మన ఇంట్లోంచి పిలవకుండా వీధి ఫోన్లనించి చేసేవాళ్ళు.
కొత్తపాళీ: అలాగే .. ఫిలడెల్ఫియాలో లోకల్ రైళ్ళుంటాయి. Automatic turnstile దగ్గిర టోకెన్ వెయ్యాలి లోపలికి వెళ్ళేందుకు. జనాలు (మనవాళ్ళే కాదు) దాన్ని కూడా మోసం చెయ్యాలని చూసేవాళ్ళు.
సత్యసాయి: ప్రైవేట్ కాస్ట్, బెనిఫిట్కి పబ్లిక్ కాస్ట్ బెనిఫిట్కీ తేడా వల్ల ఇవే సమస్యలు
సత్యసాయి: క్రియేటివ్ జీనియస్లు: ((
కొత్తపాళీ: ఫిలడెల్ఫియాకి ఒక పది పదిహేను మైళ్ళ దూరంలో లాంగ్వుడ్ గార్డెన్సని ఉంటాయి. ఒకప్పుడు ఆ కుటుంబం వాళ్ళ ఎస్టేటు ఇది, ఇప్పుడు ట్రస్టు కింద పెట్టి పబ్లిక్ జనాల్ని చూడనిస్తున్నారు .. ఊరికే కాదు, టిక్కెట్టు మీదే. చాలా అద్భుతంగా ఉంటుంది. నన్ను చూడ్డానికి వేరే ఊళ్ళనించి వచ్చిన స్నేహితులందర్నీ వరసబెట్టి ఇక్కడికి తీసుకెళ్ళేవాణ్ణి. లేదంటే వాళ్ళ ఆసక్తిని బట్టి నలభై మైళ్ళ దూరంలో ఉన్న అట్లాంటిక్ సిటీ కేసినోలకి! ఒకసారి కాంపూరు సహాధ్యాయిలు ఇద్దరు వొచ్చారు. కేసినోకైతే నేను రాను మీరు పోయిరండి అన్నా. పోయి రాత్రంతా ఆడి తెల్లారి వచ్చారు. ఏవిరా, నష్టం ఎంత అన్నా.
సత్యసాయి: బట్టలున్నాయా
కొత్తపాళీ: ఒక మిలియన్ వంద డాలర్లు అన్నాడు.
సత్యసాయి: ఐమీన్ మిగిలాయా
కొత్తపాళీ: అదే చెబుతున్నా ..
కొత్తపాళీ: ఒక మిలియన్ వందేవిటి అన్నా.
సత్యసాయి: ఊఁ
కొత్తపాళీ: ఏవుందీ. ఒక మిలియనైనా గెలవాలనే సంకల్పంతో వెళ్ళాము. చెరొక యాభయ్యీ పోయినై. అన్నాడు
సత్యసాయి: ఆపర్ట్యూనిటీ కాస్ట్
కొత్తపాళీ: yup
కొత్తపాళీ: ఫిలడెల్ఫియా చాలా చారిత్రాత్మక నగరం, అందమైన నగరం ఐనా, ఎందుకో సినిమాలెక్కువ తియ్యరిక్కడ. కొన్ని ప్రఖ్యాతి గాంచిన సినిమాలకి నేపథ్యం వహించింది. “మన” వాడు ఎం. నైట్ శ్యామలన్ సినిమాలన్నీ నగరంలోనో, నగర శివార్లలోనో జరుగుతుంటాయి.
సత్యసాయి: ఐసీ..
కొత్తపాళీ: టాం హాంక్స్ నటనకి గుర్తింపూ, ఎయిడ్స్ సమస్య మీదికి జనుల దృష్టీ తెచ్చిపెట్టిన సినిమా పేరే “ఫిలడెల్ఫియా” అనుకోండి. కండల యోధుడు సిల్విస్టర్ స్టెల్లోన్ నటించిన “రాకీ” వరుస సినిమాలు కూడా ఈ ఊళ్ళోనే జరుగుతాయి.
సత్యసాయి: ఐసీ
కొత్తపాళీ: కరణ్ జోహార్ ఘోరకృత్యం “కభి అల్విద నా కెహనా”లో క్లైమాక్సు సీను మా వివికి కూతవేటు దూరంలో ఉండే 30వవీధి రైల్వే స్టేషనులో జరుగుతుంది. అవీ ఫిలడెల్ఫియా విశేషాలు.
సత్యసాయి: రామాయణంలో పిడకల వేట. సిల్విస్టర్ స్టెల్లోన్ అనగానే నాకు శ్రీదేవి గుర్తొస్తుంది
కొత్తపాళీ: Huh?
సత్యసాయి: ఆకాలంలో ఆయనంటే ఇష్టమని ఏదో ఇంటర్వ్యూ లో చెప్పింది
కొత్తపాళీ: అలాగా?
సత్యసాయి: చివరికి ”bony” కపూర్ ని చేసుకుంది
కొత్తపాళీ: Now, that is “iron”y!!!
సత్యసాయి: కండలొదిలేసి
కొత్తపాళీ: మీరేవన్నా అడిగేదుంటే అడగండి.
సత్యసాయి: అన్నట్లు మీరు కొత్తపాళీ అని మీ బ్లాగుకి ఎందుకు పెట్టారంటారు.: పాళీయే కొత్తది ఇంకు పాతదే అనా 
కొత్తపాళీ: శ్రీమతి సలహా.
సత్యసాయి: కరణేషు…మంత్రీ. అంటే ఆప్షన్ లేకపోయిందా 
కొత్తపాళీ: అదీ నిజమే అనుకోండి. అనుల్లంఘనీయము గదా ఉత్తమార్ధాజ్ఞ.
కొత్తపాళీ: ఇంతకుముందు నా పేరుతో అంతర్జాలంలో పదేళ్ళ పైబడిన చరిత్ర ఉంది.
సత్యసాయి: కొత్తపాళీ పేరుతోనా?
కొత్తపాళీ: కాదు, నా సొంత పేరుతో.
సత్యసాయి: ఇది వార్తే
కొత్తపాళీ: వార్తేముంది, ఆ పూట ఇస్మాయిల్ (శ్రీకృష్ణదేవరాయలు) తన పరిశోధనతో బయటపెట్టాడుగా!
కొత్తపాళీ: బ్లాగు మొదలు పెట్టినప్పుడు .. ఈ కొత్త ప్రయత్నం ఇదివరకటి చరిత్రతో సంబంధం లేకుండా ఒక కొత్తదనంతో ఉండాలని అనిపించింది.
సత్యసాయి: అలాగా నాకు గుర్తు లేదు.. హతోస్మి
కొత్తపాళీ: ఏం పర్లేదు.
కొత్తపాళీ: మొదట Classical Telugu Poetry in Translation (http: //telpoettrans.blogspot.com) మొదలు పెట్టాను.
కొత్తపాళీ: అప్పుడు బ్లాగరి పేరు Observer Eccentric అని ఉండేది.
కొత్తపాళీ: ఉత్తమార్ధానికి నచ్చలేదు. ఇంతలో ఒక శ్రేయోభిలాషి కూడా చూసి, అంత చక్కటి బ్లాగు రాస్తూ, ఇదేం పేరు అన్నాడు. అప్పటికే మా ఆవిడ కొ.పా.కి లాబీ చేస్తూండింది. తాపీ ధర్మారావు గారి పుస్తకం ఉంది ఈ పేరుతో.
సత్యసాయి: అవును
కొత్తపాళీ: ఆయన తన దృక్పథం ఎలామారుతూ వచ్చిందో, అప్పణ్ణించీ ఆయన రచన కొత్తపాళీ ఎలాగయ్యిందో అని రాసిన పీఠిక నాకు చాలా నచ్చింది. నాక్కూడా వర్తిస్తుందని అనిపించింది. అలా ఖాయం చేశాను. తెలుగు బ్లాగ్గుంపులో ఎప్పుడో ఒకసారి సీబీరావుగారి ప్రశ్నలకి సమాధానంగా ఇదంతా చెప్పాను. పాతపద్యాల అనువాదమే కాక నేను రాయదల్చుకున్న విషయాలు వేరేవి కూడా ఉన్నాయి అనుకుని అప్పుడు కొత్తపాళీ, విన్నవీకన్నవీ ప్రారంభించాను.
సత్యసాయి: ఇప్పుడు బ్లాగర్లు చాలామందయ్యారు – మంచి ట్రెండ్
కొత్తపాళీ: అవును. కానీ జనాల మెప్పుకోసమే కాక బ్లాగర్లు కొంత నిజాయితీతో రాయాలని నా కోరిక. అలాగని ప్రతిదీ హృదయభాను టపా కానక్కర్లేదు. ఈ మధ్య విరివిగా రాస్తున్న వారిలో విశాఖ తీరాన, తెలుగు “వాడి”ని నిశితంగా రాస్తున్నారు.
సత్యసాయి: అవును మెప్పుకోసం కాక మనకోసం మనం వ్రాసుకోవడమే ఉత్తమ పద్ధతి
కొత్తపాళీ: కొత్తగా వస్తున్న మిగతావన్నీ కొంత వినోదాన్ని కలిగిస్తున్నా .. ఒక వ్యక్తిగా ఒక రచయితగా వారి అంతరార్ధమేవిటో, వారి సొంత ఆలోచనేవిటో వ్యక్తం కావట్లేదని నా వేదన. ఆ నిజాయితీ లోనించే సామాజిక ప్రయోజనమూ నెరవేరుతుందని నాకెందుకో వెర్రి నమ్మిక.
సత్యసాయి: అవును
సత్యసాయి: తెలుగుకి అంతర్జాలంలో వచ్చిన ప్రాభవానికి కృషిచేస్తున్నచేసిన వారెందరో మహానుభావులు
కొత్తపాళీ: అవును, చావా కిరణ్, వీవెన్ వంటి వారి కృషి మరువలేనిది.
సత్యసాయి: చాలా సార్లు మనం ఒక్కళ్ళం సరిగా ఉంటే మాత్రం లాభమేమిటి అని మా అమ్మాయి ప్రశ్నిస్తుంది- కనీసం మనవంతు చెత్త తగ్గుతుందని నా భావన
కొత్తపాళీ: ఇవ్వాళ్ళేవిటో కబుర్లలో పడి అలసట కూడా తెలీలేదు. ఇక్కడ పన్నెండుపావు దాటింది. మనం ఇంకో 15 .. 30 నిల్లో ముగిద్దామా?
సత్యసాయి: అలాగే.. ఈవేళకి మనకి చాటింగ్ పద్దతి అబ్బినట్లుంది-
కొత్తపాళీ: అంతే కాదు, కిరణ్ ని చూసి నేనూ బ్లాగు రాయాలనే స్ఫూర్తి పొందినట్టు, మనల్ని చూసి ఇంకొకరు స్ఫూర్తి పొందొచ్చు.
సత్యసాయి: అవును
కొత్తపాళీ: ఇందాక మిమల్ని అడిగాను, మీరింకేవన్నా అడగదల్చుకున్నారా అని.
సత్యసాయి: అడగాను కాబట్టే ఇన్ని విషయాలొచ్చాయికదా
సత్యసాయి: బయటికి
కొత్తపాళీ: అలాగే.
కొత్తపాళీ: నాదొక ప్రశ్న. మీ బ్లాగులో వినిపిస్తున్న నాటకురింజి గురించి చెప్పండి. తెలుగు వారికి ఎంత సేపూ మోహనం, హిందోళం లేకఫొతే ఆనందభైరవి, మధ్యమావతి. ఒక సారెప్పుడో చెవులకి హెడ్ ఫోన్లు పెట్టుకుని మీ బ్లాగు తెరిస్తే నాటకురింజి వయొలిన్ వినబడింది. ఎల్. సుబ్రమణ్యం వాయించిందనుకుంటా. దాని గురించి అప్పటి మీ కొత్త టపాలో వ్యాఖ్య కూడ పెట్టాను.
సత్యసాయి: అదా. అప్పుడు ఒకసారి పెట్టా
కొత్తపాళీ: నాకది బాగా గుర్తుండి పోయింది.
సత్యసాయి: అప్పుడప్పుడు మారుస్తూండాలని అనుకుంటూ నే బద్ధకించా
కొత్తపాళీ: భరతనాట్యంలో ఒక తమిళ వర్ణం ఉంది నటరాజు వైభవాన్ని వర్ణిస్తూ .. చాలా MAJESTIC గ ఉంటుంది. .
కొత్తపాళీ: నా దగ్గిరున్న సంగీతమంతా, చాలా భాగం కేసెట్ల రూపంలో ఉంది. మెల్లగా డిజిటైజ్ చెయ్యాలి
సత్యసాయి: నాకూ అదే ప్రోజెక్ట్ కొన్నేళ్ళుగా ఉంది
కొత్తపాళీ: అవును. ఇప్పుడిప్పుడే ఆ విషయం గురించి కొంచెం sensitive గా ఫీలవుతున్నా. అలాగా? మీ ఫేవరెట్లెవరు? నాకీ మధ్య కాలంలో సంజయ్ అంటే బాగా ఇష్టం.
సత్యసాయి: మహారాజపురం సంతానం. For all seasons and times.
కొత్తపాళీ: పాత కాలపు వాళ్ళు శెమ్మంగూడి, ఎండీ రామనాథన్, కేవీ నారాయణస్వామి.
కొత్తపాళీ: సంతానం అంటే 1980ల్లో గొప్ప పిచ్చిగా ఉండేది. ఆయన పాడిన నను పాలింపా కానీ, మోహన రామా కానీ విన్నారా? మోహన రాగం ఆయన సొంతం!!
సత్యసాయి: యే.. (yes in korean)
కొత్తపాళీ: ఆ తరవాత ఎండీఆర్ పరిచయమయ్యి ఆ క్రేజు తగ్గింది. నాకొక లక్షణముంది .. జబ్బో వరమో తెలీదు.
సత్యసాయి: ఈమధ్యకాలంలో నిత్యశ్రీమహదేవన్ – ఆడవాళ్ళలో
కొత్తపాళీ: Really? You find her good?
కొత్తపాళీ: perhaps I should give her another try!
సత్యసాయి: she is the role model for my daughter
కొత్తపాళీ: kool!
సత్యసాయి: మీవరం ఏమిటో
కొత్తపాళీ: నేను బయటికి పాడలేను కానీ తరచుగా విని ఉన్న సంగీతం ఒక్కొక్క సారి బుర్రలోనే స్టీరియో మోగుతున్నట్టు క్రిస్టల్ క్లియర్ గా వినిపిస్తుంది.
కొత్తపాళీ: Whole musical passages run through my head
కొత్తపాళీ: అలా ఒక సారి నా లాబు నించి డిపార్టుమెంటు వేఫుకి నడుస్తున్నాను వీధిలో.
కొత్తపాళీ: మదిలో ఎండీఆర్ పాడిన శహన “గిరిపై నెలకొన్న రాముని” మెదుల్తోంది. అనుపల్లవి అలా పైకెగిసిపోతుంది చూడండి ..”నిలబడి విసరుచు ..” అన్న దగ్గిర. అంతే ఒకటే కళ్ళెంబడి నీళ్ళు ధారాపాతంగా. నిలబడలేక వీధిపక్కనున్న సిమెంటు బెంచీ మీద కూచుండి పోయాను కాసేపు. దు: ఖం కాదు.
సత్యసాయి: ఆర్ద్రత?
సత్యసాయి: మీ వరం బెటర్ – నేనైతే ప్రదేశస్పృహ లేకుండా పాడుతూనే ఉంటా-విజిల్ కూడా- ఆఫీసని కూడా లేకుండా
సత్యసాయి: ఇంక మనం ముగించే సమయమిదే- ఏమైనా అడగాల్సినవి ఉన్నాయా
కొత్తపాళీ: hmm.. not much
సత్యసాయి: ముగించాలని లేకపోయినా ముగించాల్సి రావడం కొద్దిగా కష్టమే
కొత్తపాళీ: yup
సత్యసాయి: యే… త్రివిక్రముడికి చెందుతుందీ క్రెడిటంతా
కొత్తపాళీ: అవును. అయన పుణ్యమూ, పొద్దు పుణ్యమా అని మనం మంచి స్నేహితులమయ్యాము.
సత్యసాయి: అవును..
కొత్తపాళీ: ప్రస్తుతానికి ముగిస్తా.
సత్యసాయి: శుభరాత్రి (మీకు)
కొత్తపాళీ: మీకు bon journo (Italian)

సమాప్తం.

………………….. ……….

బ్లాగరులు ఒకరితో ఒకరు కబుర్లు చెప్పుకుంటే, దాన్ని పాఠకుల కోసం ప్రచురిస్తే ఎలా ఉంటుంది అనే ఆలోచన ఫలితమే ఈ తూర్పూ పడమర! కొరియా కబుర్లతో నెజ్జనులను అలరించిన కొవ్వలి సత్యసాయి గారిని, కొత్తపాళీ గారిని కబుర్లు చెప్పుకోమన్నాం. గూగుల్ టాక్‌తో ప్రాక్పశ్చిమాలకు వారధి నిర్మించి వారిద్దరూ మాటలు కలిపారు. వారి కబుర్లలో రెండో భాగం వినండి. మొదటి భాగం ఇక్కడ ఉంది.

సత్యసాయి: సంగీత, సాహిత్య, నాట్యాది రంగాల్లో మీకు అభిరుచి ఎప్పుడు, ఎలా కలిగింది
సత్యసాయి: అమెరికాలో ఇన్నాళ్ళున్నాకా మన దేశం మీద దాని భవిష్యత్తు మీదా ఎలాంటి అభిప్రాయాలూ, ఆశలూ ఉన్నాయి?
సత్యసాయి: మీ అభిమాన రచయిత(త్రి) ఎవరు?, ఎందుకు?
కొత్తపాళీ: First one is simple to answer. Second one is a lot more complicated, so I’ll pass for now. Third – there is no one like that. I like several writers for different reasons, but no single all-time favourite.
కొత్తపాళీ: మా నాన్నగారు తమిళులు. మా అమ్మ తెలుగు. వాళ్ళ పెళ్ళై విజయవాడలో సెటిలయారు ..అప్పుడు ఒకటో రెండో సంగీత సభలుండేవి.
సత్యసాయి: ఇంటరెస్టింగ్
కొత్తపాళీ: అలా మా నాన్నగారి నుంచి మా అమ్మకి అంటింది సంగీతంలో ఆసక్తి. మేమంతా పుట్టి కుటుంబం పెరిగి మా చదువులూ గోలా .. దీంట్లో వీళ్ళు కచ్చేరీలు మానేశారు. మా అప్ప (నాన్నగారు) ఎప్పుడన్నా రేడియోలో పెట్టినా మేం గోల చేసి జనరంజనికి మార్చేసేవాళ్ళం. ఆయనకైనా, సంగీతం లేకపోతే పని జరగదన్న లాంటి మనిషి కాదు, ఏదో కొంత అభిమానం అంతే.
సత్యసాయి: ఉఁ
కొత్తపాళీ: నాకు సుమారు పదేళ్ళప్పుడు మా అప్ప చాలా అకస్మాత్తుగా పోయారు. అప్పటికే ఒక అక్కా, అన్నయ్యా ఇంజనీరింగ్ కాలేజీలకి హాస్టళ్ళకి వెళ్ళారు.
సత్యసాయి: అయ్యో
కొత్తపాళీ: ఇంకో రెండేళ్ళల్లో ఇంకో అక్కకీ పెళ్ళై అత్తారింటికి వెళ్ళింది. మా అమ్మా నేనూ మిగిలాం. నాకు సుమారు పదమూడేళ్ళప్పుడు మా అమ్మ ఒక చిన్న గ్రామఫోన్ కొన్నది. అప్పుడే పెద్ద భోషాణం లాంటి డిజైను పోయి బుల్లి బ్రీఫ్ కేసు లాంటివి వచ్చాయి. మా అమ్మ తన మిగతా బాధ్యతలన్నిటితోనూ .. తన నెలసరి బడ్జెటులో ఒక రెండు రికార్డులకి స్థానం కేటాయించి క్రమం తప్పకుండా కొనేది. మొదట బాలమురళీ పాడిన రామదాసు కీర్తనలు, ఎమ్మెస్ భజగోవిందం ..ఇత్యాది,
సత్యసాయి: మెచ్చుకోవాలి
కొత్తపాళీ: ఇలా మొదలైంది. ఇదిలా ఉండగా .. ఒక్క పెట్టున విజయవాడలో సంగీత సభల ఉధృతం పెరిగింది. సభ్యత్వ రుసుము హాస్యాస్పదం. గొప్ప గొప్ప విద్వాంసుల్ని తెచ్చేవాళ్ళు. హాళ్ళన్నీ ఖాళీగా ఉండి దారిన పోయే వాళ్ళని బతిమలాడి తీసుకొచ్చి కూర్చో పెట్టేవాళ్ళు. మరొక పక్క సంగీత కళాశాలలో నేదునూరి గారు ప్రిన్సిపాలుగా వచ్చారు. నేను 82లో కాలేజికి వెళ్ళే లోపలే అప్పటి స్టార్లందరినీ నేరుగా విన్నాను.

సత్యసాయి: సంగీత సాహిత్యాలకి విజయవాడ ఆకాశవాణి చాలా సేవ చేసింది
కొత్తపాళీ: అప్పుడప్పుడూ రేడియో సంగీత సమ్మేళన్ కచేరీలు కూడ జరిగేవి.
కొత్తపాళీ: సరే ఇంక రేడియోలో కచేరీలకి చెప్పక్కర్లేదు.
సత్యసాయి: ఉఁ
కొత్తపాళీ: ఈ సంగీతాస్వాదన ప్రస్థానంలో నేనూ మా అమ్మా తోటి ప్రయాణికులం. రాగాలు గుర్తు పట్టడం, ఒక రాగానికి అనేక కృతుల్ని ఉదహరించడం .. ఇవన్నీ ఒక ఆటగా ఉండేవి మాకు.
కొత్తపాళీ: సంగీతాన్ని విని ఆనందించడం అనే భిక్ష పెట్టినందుకు మా అమ్మకి ఎప్పటికీ చేతులెత్తి నమస్కరిస్తుంటాను నేను.
కొత్తపాళీ: వైనల్ రికార్డుల తయారీ ఆగిపోయే సమయానికి ఆవిడ నాలుగొందల పైన కర్ణాటక సంగీతం, ఇతరత్రా రెండొందల రికార్డులు సేకరించింది.
సత్యసాయి: గ్రేట్
కొత్తపాళీ: తాను కొంత ఆర్ధికంగా నిలదొక్కుకున్నాక, కొన్ని సభలకి బాగా ఆర్ధికంగా సహాయం చేసింది. సంగీత కళాశాలలో మృదంగానికి ప్రైజు లేదని ఒక వార్షిక బహుమతి ఏర్పాటు చేసింది.
సత్యసాయి: మెచ్చుకోతగ్గ విషయం
సత్యసాయి: మా స్వగ్రామం తణుకులో ఆంజనేయస్వామి గుళ్ళో హరికధలు, బుర్రకధలు, కచ్చేరీలు ప్రతి యేటా జరిగేవి. మా అమ్మా నాన్న మమ్మల్ని తీసుకు పోయే వారు
కొత్తపాళీ: బలే గుర్తు చేశారు. ములుకుట్ల సదాశివ శాస్త్రి గారి హరికథలు కూడా.
కొత్తపాళీ: నాట్యం కూడ అప్పుడు చాలానే చూశాను కానీ, ఏమీ అర్ధం కాలే .. ఆసక్తీ అంతంత మాత్రమే.
కొత్తపాళీ: నేర్చుకోవటం 1997లో మొదలైనాకే, దాని మీద అభిరుచీ, మెళకువలూ నెమ్మదిగా పెంపొందాయి.
కొత్తపాళీ: అవును, మనకి ఆసక్తి ఐన వాటిల్ని పిల్లలకి కూడా పరిచయం చెయ్యాలి.
సత్యసాయి: డైయింగ్ ఆర్ట్స్
కొత్తపాళీ: హరికథలు మళ్ళీ కొంత రెవైవ్ అవుతున్నట్లుంది?
సత్యసాయి: అన్నట్లు ముగించే ముందు ఒక విషయంచెప్పాలి.
కొత్తపాళీ: చెప్పండి.
సత్యసాయి: ఇందాకా పండా అనే ఆయన కలిసాడన్నా కదా.
కొత్తపాళీ: గుర్తుంది
సత్యసాయి: ఆయనా, నేనూ Institute of Economic Growth, Delhi లో 1986-89 ప్రాంతంలో పని చేసాం. సుమారు 15 సంవత్సరాల తర్వాత దేశం కాని దేశంలో ఒకే చోట ఒకటిన్నర సంవత్సరాలు తిరిగి కలిసి పని చేయడం కాకతాళీయాల్లో కాకతాళీయం.
కొత్తపాళీ: నిజంగా వింతే. నేనూ ఆమధ్య ఒక పాత స్నేహితుడిని ఇలాగే కలిసా. 3-4 ఏళ్ళకే అనుకోండి.
సత్యసాయి: ఆయన అక్కడ ఒక సెమిష్టరు క్రితమే జేరడం వల్ల నాకు కొత్త చోటన్న భావనే కలగలేదు. నా ఆహార విహారాల సమస్య, కమ్యూనికేషన్ సమస్య తీరిపోయాయి. దైవం మానుష రూపేణా అన్న వాక్యమెంత నిజమో మరోసారి తెలియవచ్చింది.
కొత్తపాళీ: అవును. నిజమే.
సత్యసాయి: శుభరాత్రి.
కొత్తపాళీ: శుభదినం.

09-12-07
సత్యసాయి: శుభోదయం
కొత్తపాళీ: శుభోదయం
కొత్తపాళీ: మాకు చీకటి వాలేసింది .. అసలే అమవస నిశి! 
సత్యసాయి: క్రితం సారి మనం మీ సంగీతాది కళాభినివేశం గురించి మాట్లాడుకుంటూ ఆపేశాం
కొత్తపాళీ: అదా. దాన్లో కంటిన్యూ అవుదామా? దేశాల చర్చకి వద్దామా?
కొత్తపాళీ: ఎందుకంటే .. మొన్ననే రానారెతో కలిసి డాన్సు గురించి ఒక ఇంటర్వ్యూ ఇచ్చా. మరీ జనాలకి కలాపోసన ఓవరుడోసై పోతుందేఁవోనని
సత్యసాయి: మీరు చాలా మంది బ్లాగర్లని కందాల్లోకీ, సీసాల్లోకీ దింపిన ఘనులు. అవంటే మీకు మక్కువ ఎలా కలిగిందో చెప్పాక దేశాలమీద పడదాం
కొత్తపాళీ: అలాగే
కొత్తపాళీ: పద్యాల మీద మక్కువ కలగటానికి కారణం మొదటగా మా తాతయ్య. బాగా పసితనంలో ఆయన దగ్గిర పెరిగాను. అక్షరాభ్యాసం చేయించి అప్పుడు మళ్ళీ మా అమ్మా అప్పాకి అప్పగించాడు. ఆయన తన చిన్నప్పుడు గురువుగారింటో ఉండి తెలుగు పంచ కావ్యాలూ చదువుకున్నారు.
సత్యసాయి: ఊఁ
కొత్తపాళీ: పోతన భాగవతం వంటి పురాణాలు మధ్యాన్నం పూట, రాత్రి భోజనాలయ్యాక పైకి చదివి అర్థం చెబుతుండేవారు. సుమతీ శతకం పద్యాలు, వేమన పద్యాలు కొన్ని ఆటలాడిస్తున్నట్టే వల్లె వేయించేవారు. అదీ మొదలు.
కొత్తపాళీ: ఇంక మా అమ్మా వాళ్ళింటికొచ్చాక మా చిన్నక్క, తనప్పుడూ 9 చదువుతుండేది, తనతో పాటు ఛందస్సు మూల సూత్రాలు నేర్పింది.
సత్యసాయి: రాకేశ్వర, ఊకదంపుడాది బ్లాగరులు ఆటవెలదులతో, కందాలతో – సీసాలు కాసేపు పక్కన పెట్టినట్లున్నారు- ఆడుకుంటూంటే నాకైతే తెగ అసూయ
కొత్తపాళీ: అసూయెందుకు, మీరూ మొదలెట్టండి. 
సత్యసాయి: సాటి మొగాడిగా అది సహజమనుకుంటా!?
సత్యసాయి: మా స్కూళ్ళలో తెలుగు ఒక తద్దినంగా ఉండేది- అందుకే వంటబట్టలేదు
కొత్తపాళీ: : P
కొత్తపాళీ: నేను ఆరు చదువుతుండగా మాకు గ్లామరు తార వంటి తెలుగు టీచరు వచ్చారు.
సత్యసాయి: ముదితల్ నేర్పగ రాని విద్య గలదె…. 
కొత్తపాళీ: ముదితల్ నేర్పిన నేర్వగ రాని విద్య గలదె అనండి
కొత్తపాళీ: అదీ కత.
సత్యసాయి: ఇక దేశాలకొస్తే…మనవాళ్ళు అమెరికా వెళ్ళాలనుకోవడం సహజం. వెనక్కి వద్దామనుకున్నా రాలేరని చరిత్ర చెబుతోంది. అక్కడి మాయ ఏంటంటారు?
కొత్తపాళీ: ఇదివరకు ఉన్నత విద్య ఆకర్షణ.
కొత్తపాళీ: అదీ కాక అమెరికా వెళ్ళటం అంటే అదేదో సాధించినట్టు అప్పటి విద్యా కేంద్రాల్లో (ఇప్పుడు సామాన్య సమాజంలో కూడా) ప్రబలి ఉన్న అపోహ ఒకటి.
సత్యసాయి: అది సరైనదే ననుకుంటా అప్పటి మనవిద్యా ”లయాల” పరిస్థితి చూస్తే
కొత్తపాళీ: ఈ మధ్యకాలంలో డబ్బు ఆకర్షణ. మిగతా అభివృద్ధి చెందిన దేశాల్లో కూడా వసతులు డబ్బూ ఉన్నా, అమెరికాలో నానా జాతుల్ని అంగీకరించినట్టుగా ఇంకే దేశంలోనూ అంగీకరించరనేది ఒక వాస్తవం.
సత్యసాయి: ఇప్పుడు కూడా అంగీకరిస్తున్నారా?
కొత్తపాళీ: ఓ, తప్పకుండా
కొత్తపాళీ: 90లలో చూసుకున్నా భారతంలో నగరాల్లోనే కొన్ని ప్రాథమిక వసతులు .. పాలు సమృద్ధిగా దొరకటం, వంట గాసు, ఇటువంటివి కష్టంగా ఉండెవి
సత్యసాయి: అవును
కొత్తపాళీ: ఇక్కడ ఇటువంటి వసతులకి మరిగిన మన జనాభాకి ఆ రోజుల్లో మాతృదేశాన్ని తిరిగి చూస్తే నీరసంగా నిరసనగా ఉండేది.
సత్యసాయి: అవును
కొత్తపాళీ: 2000 సం తరవాత వ్యాపార పారిశ్రామిక రంగాల్లో ప్రపంచమంతటా మౌలికమైన మార్పులు జరుగుతున్నాయి.
కొత్తపాళీ: అమెరికా ఈ మధ్యకాలంలో చాలా మట్టుకు పేరు గొప్ప ఊరు దిబ్బ అన్న చందంగా తయారైంది.
సత్యసాయి: మీకుమొదటిసారి వెళ్ళీ వెళ్ళగానే కలిగిన ఫీలింగ్స్??
కొత్తపాళీ: ఈ మధ్య కాలంలో భారతం నించి ఇక్కడికి వచ్చే వారు కూడా దీర్ఘ కాలిక ప్రణాళికలతో కాకుండా ఉన్నంతలో కొంత డబ్బు మూట కట్టుకు పోదాం అన్న దృష్టితో వస్తున్నారు. లేదా, దీర్ఘకాలిక దృష్టి ఉన్న వారు వచ్చిన కొన్నాళ్ళకే స్వంత వ్యాపారాలు మొదలెడుతున్నారు. ఇవన్నీ పదేళ్ళ క్రితం లేని పరిణామాలు.
కొత్తపాళీ: ఒక్క నిమిషం ఓపిక పట్టండి. దీన్లో ఇంకో ముఖ్యమైన పాయింటుంది. అది కుటుంబాలు (భార్య పిల్లలూ) ఎలా ఫీలవుతారనేది.
సత్యసాయి: ఇది శుభపరిణామ మనుకుంటున్నా. మీరేమంటారు?
కొత్తపాళీ: స్త్రీలకి ముఖ్యంగా మాతృదేశంలో ఊహించలేని స్వేఛ్ఛ ఇక్కడి జీవనంలో అనుభవమైంది.
కొత్తపాళీ: దాంతో, వెనక్కి వెళ్ళటం అని మొగుడెప్పుడన్నా అనుకున్నా, ఈమె ఒప్పుకోదు.
సత్యసాయి: వైస్ వెర్సా?
కొత్తపాళీ: దీనికి exceptions ఉన్నారు, కానీ సామాన్యంగా ఇదీ పరిస్థితి.
కొత్తపాళీ: కుటుంబం అంటూ ఉన్నాక వెనక్కి వెళ్ళాలి అనుకుంటే భార్యా భర్తలిద్దరికీ దాన్ని గురించి ఒక shared vision ఉండటం చాలా అవసరం. నాకు తెలిసి తిరిగొచ్చిన కుటుంబాల్లో ఇది నిజం.
కొత్తపాళీ: పిల్లల వయసు పది దాటకపోతే అక్కడ తొందరగా ఎడ్జస్టవుతారని ఏవో సిద్ధాంతాలు వినిపిస్తుంటాయి. ఏదైనా, తల్లిదండ్రులు పిల్లలతో ఈ విషయాలు కూలంకషంగా చర్చిస్తుండాలి.
సత్యసాయి: అక్కడస్వేచ్చ అన్నారు – ఇంట్లో ఉండేవాళ్ళు పాతవాళ్ళే కదా?
కొత్తపాళీ: స్త్రీకెప్పుడూ ముఖ్య సమస్య మొగుడితో కాదు. ఆమె దారిని ఆమెని బతకనిస్తే నూటికి తొంభై తొమ్మిది సార్లు ఆమె మొగుణ్ణి బానే మేనేజ్ చేసుకోగలదు.
కొత్తపాళీ: మనవాళ్ళు మన సమాజంలో అలా బతకనివ్వరు – అదీ గోల.
సత్యసాయి: అవును – కానీ సమాజం ముఖ్యం వ్యక్తి కాదనే ఓరియంటల్ సంస్కృతిలో అది తప్పేది కాదనుకుంటా?
కొత్తపాళీ: ఆ ప్రశ్న నెత్తుకుంటే socio-anthropo-historical చర్చలోకి పోతాం ఇప్పుడు, వొదిలెయ్యండి.
సత్యసాయి: కొరియాలో కూడా మనలాగే అత్తా, ఆడపడుచుల ఆరళ్ళు, మగపిల్లాడంటే ఉన్న అతి గారాబం ఉన్నాయని – ఇప్పడుతగ్గాయట- తెలిసి మనలా ఎందరో అని పించింది
సత్యసాయి: మీకుమొదటిసారి వెళ్ళీ వెళ్ళగానే కలిగిన ఫీలింగ్స్??
కొత్తపాళీ: gimme a sec. just checking the file-save feature
కొత్తపాళీ: మొదటి సారి ఫీలింగ్స్.
సత్యసాయి: మొన్నటి అనుభవంతో తరచూ కాపీ పేస్టు చేస్తున్నా
కొత్తపాళీ: yeah, me too
సత్యసాయి: సేవ్ కూడా: -)
కొత్తపాళీ: దిగిన మొదట్లో చాలా excitedగా ఉన్నా. ప్రతిదాన్ని గురించీ ఆసక్తి.
కొత్తపాళీ: కనబడిన అందరితో గడగడా మాట్లాడెయ్యాలని ఉండేది.
కొత్తపాళీ: అమెరికన్లు చాలా open and friendly అనుకునే వాళ్ళం. అది అపోహే అని నెమ్మదిమీద తెలిసింది.
సత్యసాయి: వింతగా ఉందే
కొత్తపాళీ: నేను దిగటం ఫిలడెల్ఫియా నగరంలో, నడిబొడ్డున. అది మరి అమెరికాలో పది పెద్ద నగరాల్లో ఒకటి కదా. దిగిన మర్నాడు ఇంటినించి వివికి రోడ్డుమీద నడిచి వెళ్తుంటే .. సుమారు మైలు దూరం నడకలో ఒక్ఖ మనిషి ఎదురైతే ఒట్టు!
కొత్తపాళీ: ఇది ఉదయం తొమ్మిది గంటల ప్రాంతంలో. ఇది నన్ను చాలా ఆశ్చర్య పరిచింది.
సత్యసాయి: అవును మనని రాసుకుంటూ జనాలు నడవక పోతే రోడ్డుమీదున్నట్లే ఉండదు
కొత్తపాళీ: అఫ్కోర్సు, రోడ్డు మీద కార్లు చాలానే వెళ్తున్నయ్యి, పాద చారులై ఎదురు పడ్డ వాళ్ళెవరూ లేరని నా ఉద్దేశం. అదేదో కాశీ మజిలీ కథల్లో రాకుమారుడూ మంత్రికుమారుడూ వేరే రాజ్యానికి వెళితే అక్కడ వీధుల్లో పట్టపగలు ఎవరూ తిరక్కపోవటం .. ఏదో గండభేరుండ పక్షి భయం వల్ల .. అలాంటి కథేవన్నా ఉందా అనిపించింది!
సత్యసాయి: హ..హ.. హ… జానపదాలు బాగా ఔపోసన పట్టేరే
కొత్తపాళీ: ఇప్పుడింకా మర్చిపోయాను చాలా కథలు. ఇదివరకు నాలిక చివర ఉండేవి.
కొత్తపాళీ: ఇక్కడి సమయపాలనా, మనుషులు చెప్పిన దాన్ని నిఝంగా నమ్మి పాటించటం మొదట్లో నాకు జీర్ణమయ్యేవి కావు.
సత్యసాయి: సాంస్కృత్యాఘాతం (cultural shock?)
కొత్తపాళీ: అవును.
కొత్తపాళీ: ఇది జీర్ణించుకుని అవలంబించటానికి నాకో సెమిస్టరు కాలం పట్టింది.
కొత్తపాళీ: నేను తిరిగి భారతంలో నివాసమున్నప్పుడు అక్కడ జనాలకి నా ఈ పద్ధతులు అర్ధమై చచ్చేవి కావు. నువ్వు మరీ అమెరికనువైపోయావు అని నిష్ఠూరమడేవాళ్ళు. నిజమే ననిపించింది.
సత్యసాయి: నాకాశ్చర్యం కలిగేదేమిటంటే మన పూర్వీకులు సమయపాలనా, వాక్యపాలనా బాగా చేసేవారు –
సత్యసాయి: ఇప్పుడేమో ఇలా తయారయ్యాం
కొత్తపాళీ: వాక్య పాలన చెయ్యక పోవటం, మరీ పూర్వకాలం సంగతేమో గానీ ఇటీవలి చరిత్రలో బ్రిటీషు పాలన కింద మగ్గటం వల్ల వచ్చిందని నా అనుమానం.
కొత్తపాళీ: సమయపాలన సంగతేమో – అదసలు పాశ్చాత్య సాంప్రదాయమని నా అనుమానం.
సత్యసాయి: కాదనుకుంటా- మన ముహూర్తాల వెనక సమయపాలనే ఉద్దేశ్యమనుకుంటా – షెడ్యూలింగ్-
సత్యసాయి: ఇప్పుడు దాన్నే ప్రతీదీ వాయిదా వేయడం కోసం వాడుకుంటున్నాం
సత్యసాయి: అటు పశ్చిమం (అమెరికా) ఇటు తూర్పు (కొరియా, జపానులు) సమయానికిచ్చిన విలువ వల్లే పైకొచ్చారనుకుంటా
కొత్తపాళీ: 
కొత్తపాళీ: మీకెలాగో మొత్తానికీ ఐరనీ అంటే ప్రీతి అల్లే ఉందే?
సత్యసాయి: అలా అనిపించిందేం? కానీ ఇందులో ఐరనీ లేదు
కొత్తపాళీ: how so? ఒకదానికి నిర్దేశించిన పద్ధతిని సరిగ్గా దాని వ్యతిరేకానికి ఉపయోగించటమే కదా ఐరనీ! సరే పోనివ్వండి. నేను అప్పటికే సర్వభక్షకుణ్ణి కావటం వల్ల తిండి పెద్ద ఇబ్బంది కాలేదు. చదువూ పెద్ద ఇబ్బంది కాలేదు. అయ్యయ్‌టీ కాన్పూరు తరవాత ఈ చదువు పేలవంగానే ఉండేది. మొదట్లో ఇంకో పెద్ద ఇబ్బంది అమ్మాయిల్తో. ఇందాకే చెప్పాను కదా, సాధారణంగా అమెరికన్లు కొంచెం ముభావంగానే, ఎవరి పని వారు చేసుకుంటూ ఉంటారని
సత్యసాయి: అవును
కొత్తపాళీ: కొద్ది పాటి పరిచయమయ్యాక, వివిల్లో ఐతే మరీనూ .. అమ్మాయిలొచ్చేసి అబ్బాయిలతో బుజాలు రుద్దుకోటం చేసేస్తుంటారు.
సత్యసాయి: ఎంతకష్టం
కొత్తపాళీ: వాళ్ళకది పెద్ద విషయంగా అనిపించదు. మనకేమో కొత్తకావటంవల్ల ఇబ్బందిగా ఉండేది.
సత్యసాయి: స్వానుభవం (కూడా అదే)
కొత్తపాళీ: కష్టమే మరి – అది అనుభవించితే తెలుసునులే
సత్యసాయి: అర్ధం చేసుకోగలను. అందులో మీ వయస్సుకూడా అలాంటిదే కదా!
కొత్తపాళీ: ఈ మాత్రం భాగ్యానికి మన వెధవాయలు కొందరు, ఇంకేముంది, ఆ పిల్లకి తనంటే ఇష్టం అనుకుని జొల్లు కార్చుకుంటూ ఆమె చుట్టూ తిరిగి చివరికి ఛీ కొట్టించుకుని, గడ్డం పెంచి దేవదాసు వేషం వెయ్యటం కూడా నేనెరుగుదును.
సత్యసాయి: బీద వాళ్ళు – పూర్ ఫెలాస్
కొత్తపాళీ: ఆ తరవాత .. ఈ శ్వేతవనితల గుండెలు పాలరాతి బండలు అని డైలాగులు చెప్పేసి, హాయిగా పది లక్షల కట్నంతో అమ్మానాన్నా కుదిర్చిన వెంకటసుబ్బలక్ష్మిని చేసుకుని .. వాళ్ళెందుకు బీదవాళ్ళు?: ))
సత్యసాయి: గెడ్డం గీసుకోవడానికి ఖర్చయిన మేరకు బీదవాళ్ళే కదా
కొత్తపాళీ: : ))
కొత్తపాళీ: ఒక సారి .. సందర్భం ఏవిటో గుర్తులేదు .. డిపార్టుమెంట్ కార్యాలయంలో పనిచేసే అమ్మాయి తన చేత్తో నా చెంప నిమరబోయింది. నేను అసంకల్పితంగా .. అదేదో పాము నా మీద పడబోతున్నట్టు చటుక్కున వెనక్కి తగ్గాను. ఆ అమ్మాయి విస్తుబోయింది. తనేదో చెయ్యరాని పని చేసిందేమో అన్నట్టు చాలా క్షమాపణలు చెప్పింది.
సత్యసాయి: మన కండిషనింగ్.
కొత్తపాళీ: ఇలా ఉండేవి తొలి రోజుల అనుభవాలు.