కొ.కు. వర్ధంతి

“ప్రకృతి రహస్యాలను వివరించలేనిది శాస్త్రం కాదు; జీవితంలోని కష్టాల్ని తీర్చలేనిది ఆవిష్కరణా కాదు; జీవితంలోని ప్రతీ కోణాన్ని చూపించలేనిది సాహిత్యమే కాదు” అనే స్థిరాభిప్రాయంతో విరివిగా సాహితీసృజన చేసిన అభ్యుదయగామి కొడవటిగంటి కుటుంబరావు (28 అక్టోబర్ 1909 – 17 ఆగష్టు 1980) గారి వర్ధంతి నేడు.

ఈ సందర్భంగా ఆయన అభిరుచులు, వ్యక్తిత్వం, సాహిత్యాల గురించి తెలిపే మూడు వ్యాసాలను అందిస్తున్నాం. వీటిలో సుప్రసిద్ధ వైణిక విద్వాంసుడు చిట్టిబాబు, రచయిత, కళాదర్శకుడు మా. గోఖలే గార్లు రాసిన వ్యాసాలను రచయితల ఫోటోలు, పరిచయాలతో సహా మాకందించిన డా. కొడవటిగంటి రోహిణీప్రసాద్ గారికి ధన్యవాదాలు. మూడో వ్యాసం ప్రసిద్ధ కథావిమర్శకులు కోడూరి శ్రీరామమూర్తిగారు రాసిన “తెలుగు కథ: నాడూ నేడూ” పుస్తకంలోనిది. ఈ వ్యాసాన్ని పొద్దులో ప్రచురించడానికి అనుమతించిన శ్రీరామమూర్తిగారికి ధన్యవాదాలు.