2009 ఏప్రిల్ గడి ఫలితాలు

గడి సులువుగా ఉందో లేకపోతే స్లిప్పుల ప్రభావమోగానీ.. ఈసారి చాలామంది మొత్తం సరైన సమాధానాలు పంపారు.
మొత్తం పంపినవారు పదహారు మంది. అందులో అన్నీ సరిగ్గా పంపినవారు వెన్నెల_డిబి, రాజు పావులూరి, ఆదిత్య, వెంకట్ దశిక, ఊకదంపుడు, కంది శంకరయ్య, రాధిక, రాఘవ, పింగళి విజయ కుమార లక్ష్మీనారాయణ రావు. వీరిలో కొంతమంది సమాధానాల్లో కొంత తేడా ఉన్నా అవి సరైనవిగానే పరిగణించాను. ఉదాహరణకి “కదంబ” – “కదంబం”, “సున్న” – “సున్నా”, “తాటిముంజెలు” – “తాటిముంజలు”, “శలభము” – “శలభమే”, “ఖనిజం” – “ఖనిజ” వగైరా.

స్వరూప కృష్ణ గారు కూడా అన్నీ సరిగ్గానే రాసారు కాని “డుబుక్కు”కి “డుబుక్” అనీ, “టిక్కు”కి “టిక్” అనీ రాసారు. పొల్లు “క” ఒక అక్షరం కాదు. అంచేత గడిలో ఎప్పుడూ అది దాని ముందు అక్షరంలో భాగంగానే ఉంటుంది. ఇది గమనించగలరు.

ఒక్క తప్పుతో పంపినవారు శ్రీలు. రెండు తప్పులతో పంపినవారు జ్యోతి. గడిని పంపిన ఇతరులు – వెన్నెల, రవి కిరణ్, మల్లిన నరసిసింహావు, కోడీహళ్లి మురళీమోహన్.

అందరికీ అభినందనలు.

-కామేశ్వర రావు
————————–

శ్రీ	కై	వ	ల్య	ప	దం	బు	జే	రు	ట	కు	నై
1 క	2దం	బ			3ఖ	4 ర		5మా		6కొ	త్త
7వా	డ		8అ	త	ని	క	9న్న	ఘ	ను	డు
సా		10డు	మ్మా		జం		సు			11కు	12జ
13కి	14తా	బు		15ర్ణ		16భే		17త	18కో		ము
	19టి	క్కు		20శా	21ర	ద	రా	త్రు	లు
22దు	ముం		23శ	ల	భ	ము		క్ష		24దం
	ఝె		ప		స		25జ	గా	ని	కం	26తా
27హ	ళు		28రీ	రం		29బొ	మ్మ	లు		30మా	రా
రి		31ప	క్ష		32వ	ల్లి			33శ్రీ		శ
34కో	ౠ	కో		35అ	తి		36అం	37చు		38పా	శాం
ట		39డ	దె	బ్బ		40చిం	తా	కు	ప	త	కం

కీలక పదానికి ఆధారం:

భక్త కవిరాజు చింతించింది కేవలం దీనికోసమా! – భక్తకవిరాజు పోతన భాగవతం మొదటి పద్యం, “శ్రీకైవల్యపదంబు జేరుటకునై చింతించెదన్” అని మొదలవుతుంది.

అడ్డం

======

1. పూర్వం రేడియోలో కొన్ని కార్యక్రమాలు కదంతొక్కుతూ ప్రసారమయ్యేవి. – రేడియోలో “కదంబ” కార్యక్రమాలు ప్రసారమయ్యేవి (ఇప్పటికీ అవుతున్నాయి!)

3. గాడిద రాక్షసుడు – ఖర అంటే గాడిద అని కూడా అర్థం. రాముడు చంపిన ఒక రాక్షసుని పేరు.

6. 38 నిలువుకి వ్యతిరేకం – 38 నిలువు ‘పాత’కి వ్యతిరేకం కొత్త.

7. విజయం వెంట వస్తే, దుర్గమ్మ సాక్షాత్కారం అవ్వదూ మరి! – వాడ. విజయవాడ వెళితే దుర్గమ్మ కనిపిస్తుంది కదా.

8. ఆచంట మల్లన్న ఎవరు? – “అతనికన్నఘనుడు” ఆచంట మల్లన్న అని నానుడి.

10. క్లాసుకి మళ్ళీ కొట్టావా అమ్మడు? – డుమ్మా

11. పెళ్ళికాని ప్రసాదుల దోషం ఇదా? – కుజ

13. మంచిపని చేసిన వాళ్ళకి హిందీ పుస్తకం ఇవ్వాలా? – కితాబు

17. అట్నుంచి నరుక్కురమ్మన్నారు పంటని – కోత వెనకనుంచి

19. నిమిష నిమిషానికీ గిర్రున తిరిగే ముల్లు ఇలానే ధ్వనిస్తుంది – టిక్కు

20. తారక హార పంక్తులతో చారు తరములైనవి – “శారదరాత్రు లుజ్జ్వల లసత్తర తారక హార పంక్తులన్ జారుతరమ్ములయ్యె” ఇది నన్నయ్యగారి చివరి పద్యం అంటారు.

22. ముసళ్ళ పండగున్నది వెనకనుంచా? – వెనకనుంచి “ముందు”

23. మిడతంభొట్లు అదృష్టదేవత ఎవరో తెలుసుకోడం సులభమే! – శలభము అంటే మిడత. అదే కదా మిడతంభొట్లు అదృష్టదేవత!

25 పొలాలనన్నీ హలాల దున్నే కర్షక వీరుల ప్రతిజ్ఞ ఎవరి సౌఖ్యం కోసం? – “పొలాలనన్నీ హలాల దున్నీ ఇలాతలంలో హేమంపండగ, జగానికంతా సౌఖ్యం నిండగ” అని శ్రీశ్రీ “ప్రతిజ్ఞ” కవితలోని పంక్తులు

27. ఆహా ! ఈ కల్పనలకీ, ఆలోచనలకీ మొదలేదీ? – “ఊహలు” అంటే కల్పనలూ, ఆలోచనలూ. మొదలు లేక “హలు” అయ్యింది.

28. తల తెగిన దేహం రమ్మంటోంది చూడు – “శరీరం” తల తెగి “రీరం” అయ్యింది “రం” అంటోంది కదా!

29. బాపు, కొండపల్లి, కొప్పాక – బొమ్మలు

30. మాట“కు మారా”డకు పుత్రా! – కీలకపదంలో “కు” కలుపుకొని “కుమారా” అవుతుంది.

31. వాత పాతాల ముందుండేది – పక్ష (పక్షవాతం, పక్షపాతం)

32. దేవ సేనానికి దేవ సేన కాక వేరెవ్వరున్నారు చెప్మా? – వల్లి

33. ఒకటైతే మంగళం, రెండైతే విప్లవం – “శ్రీ” అంటే మంగళకరం. “శ్రీశ్రీ” ఎవరో అందరికీ తెలుసు

34. ఆద్యంతాలు ఏకమయ్యేలా అడుక్కో ! – కోరుకో. మొదలూ కొసా ఒకటే.

35. విడిచిపెట్టాల్సింది ఎప్పుడూ ఎక్కువే – అతి. “అతి సర్వత్త్ర వర్జయెత్” అని కదా.

36. తెల్లచీరకి నల్లగా ఉండేది యండమూరికి తెలుసు – అంచు

38. పుండ్రేక్షు_కుశ పుష్పబాణ హస్తే – పాశాం. కాళిదాసు శ్లోకం

39. ఈ కాలపు సూర్యారావిచ్చే స్ట్రోకు – కీలకపదంలోని అక్షరం కలుపుకొని “వడదెబ్బ”.

40. ఆలోచనా పత్రంతో గొలుసుచేయిస్తే ఆనాలోచితమైన ఖైదు తప్పదు – చింతాకుపతకం. ఆలోచన – చింత, పత్రం – ఆకు

నిలువు

=====.

1. జపాను బండిని ముందుండి నడిపేవాడు పోయెట్టా? – కవాసాకి

2. హిడింబి బంగార్రాజుని కోరుకున్న కౌగిలింత – కీలక పదంలోని అక్షరం కలుపుకొని “కైదండ”. “ఛాంగురే బంగారు రాజా” పాటలో వస్తుంది.

3. మైనింగు చేస్తే బయటపడే సత్యం – ఖ“నిజం”.

4. చివర కాస్త పొట్టైనా, బుర్రని కప్పిందికదా అది చాలు – కీలకపదంలోని అక్షరంతో కలుపుకొని “బురక”. బురకా చివర కాస్త పొత్తైంది.

5. ఎప్పుడొస్తుందో అని లైలా ఎదురుచూసిన మాసం – మాఘ

6. కొడవటిగంటి కుటుంబరావు మధ్యలో ఒకడు చేరితే పుట్టేవాడు – కొకు మధ్యలో ఒక“డు” చేరితే కొడుకు.

8. సంగీతం శాస్త్రిగారు దాసు మేస్టారికి చెప్పిన పిలుపు గురించి నీకేమైనా అర్థమయ్యిందా తల్లీ? – శంకరాభరణం శాస్త్రిగారు “ఆకలేసిన బాబు అమ్మా అని ఒకలా అంటాడు…” గుర్తుకొచ్చిందా!

9. దీన్ని తిరగేస్తే వచ్చేది అనిర్వచనీయం కదా, మరి ఎందుకు తిరగేసావ్? – సున్న. గణితంలో సున్నకి విలోమం (అంటే ఒకటి బై సున్న) “undefined” అంటే నిర్వచించలేము.

10. గుమ్మడికాయ మేకమీద ఎలా పడింది? – డుబుక్కు (పుటుక్కు జర జర డుబుక్కు మే!)

12. మొదట్లోనే కాదనడం అతని స్వభావం మరి – కీలకపదంలోని అక్షరంతో కలిపి “నైజము”. నై అంటే కాదనే కదా.

14. వేసవికాలపు అమృతగుటికలు. తిన్నవారు పాం అరులు కాలేరు – తాటిముంజెలు. ఇంగ్లీషు “పాం” అంటే తాటి.

15. పూరి గుడిసె సాలా బావుంటుంది – కీలకపదంలోని అక్షరంతో కలిపి పర్ణశాల

16. ఈ ఉపాయం చాలా తేడాగా ఉందే! – భేదం. సామ, దాన, భేద, దండోపాయాలలో ఒకటి. దీనికి తేడా అని కూడా అర్థం.

17. గాయపడిన శరీరాలతో చెల్లాచెదరై పడున్నారు – క్షతగాత్రులు చెల్లాచెదరయ్యారు

18. మాటలు దాటేందుకా మారాజులు కట్టేరు – కీలకపదంలోని అక్షరంతో కలిపి కోటలు

21. ఆద్యంతం రసవంతమే అయినా యీ గోలని భరించడం కష్టమే – రభస. మొదటి చివరి అక్షరాలు కలిపితే “రస”వంతమే కదా.

23. కర్ణసారథి పెట్టే ఎగ్జాం చాలా కష్టం బాబూ! – కీలకపదంలోని అక్షరంతో కలిపి శల్యపరీక్ష

24. మామిడి చెట్టు తిరగబడ్డా మాకెంతో అందంగానే కనిపిస్తుంది – మాకందం (మాకు+అందం) అంటే మామిడి.

25. అరుంధతే – కీలకపదంలోని అక్షరంతో కలిపి జేజమ్మ

26. చుక్కేమో తెలుగులో రమ్మంది, చంద్రుడేమో ఇంగ్లీషులో రమ్మన్నాడు. ఇద్దరూ కలిస్తే ? – తా“రా”శసాం“కం” ఒక కావ్యం.

27. అంతరిషానికి విష్ణుదుర్గమే కేంద్రం కదా – కీలకపదంలోని అక్షరంతో కలిపి శ్రీహరికోట.

29. అబధపు కబుర్లు చెప్పావంటే మచ్చలొస్తాయి జాగ్రత్త – బొల్లి. కల్లబొల్లి కబుర్లు అంటే అబద్ధాలు.

31. కోడికాని కోడికున్న గుడిని హిందీవాళ్ళు పీకేసారు – కోడి కాని కోడి పకోడి. అది హిందీవాళ్ళు పకోడ అంటారు.

32. కారు కాని కారే ఏనుగు కాని ఏనుగు కూడాను – కీలకపదంలోని అక్షరంతో కలిపి వదంతి. కారు కాని కారు పుకారు. దంతి అంటే ఏనుగు కాబట్టి దంతి కాని దంతి వదంతి అంటే పుకారనే కదా అర్థం.

35. 40 అడ్డంలోని భక్తుడు భగవంతుణ్ణి ఏలా తిట్టాడో తెలుసా? పైగా ఆయాసపడొద్దని సముదాయింపొకటీ! – 40 అడ్డంలోని భక్తుడు రామదాసు.“అబ్బ తిట్టితినంచు ఆయాసపడబోకు రామచంద్రా” అన్నాడు కదా.

36. లేని లేని అనంతా, నువ్వొక భ్రాంతివేనా? – అనంతా లో “అన్” అంటే లేని అని అర్థం. అది తీసేస్తే ఉండేది “అంతా”.

37. పదునైన వేడి తగిలింది – కీలకపదంలోని అక్షరంతో కలిపి చురుకు. చురుకు అంటే పదుననీ అని అర్థం, అలాగే చురకడం అంటే వేడి తగలడం.

38. 6 అడ్డానికి వ్యతిరేకం – 6 అడ్డం కొత్తకి వ్యతిరేకం పాత.