అభినవ భువనవిజయము -7- గూగులమ్మ పదాలు

5 Responses to అభినవ భువనవిజయము -7- గూగులమ్మ పదాలు

1. chinta. ramakrishnarao. says:

   2008, September 26 at am 12:16

   ఆర్యా !
   క:- ముద్దుల మన యాంధ్రమ్మును
   గద్దెను నిలుపంగ గోరి, గౌరవమొప్పన్
   ప్రొద్దెరుగక శ్రమియించెడి
   పొద్దుకు నే నంజలింతు . పొగడుదు నెలమిన్.
   మీ పొద్దు బ్లాగులో అభినవ భువన విజయము 9 భాగాలూ ఇప్పుడే చూచాను.
   అత్యద్భుతంగా వున్నాయి. సందేహం లేదు.నిర్వాహకులకూ, ప్రకాశకులకూ, కవివతంసులకూ,
   నా అభినందనలు.
   బంగారానికి పరిమళమూ, మృదుత్వమూ, ఉంటే ఎలాగుంటుందో ఊహించుకుంటేనే మనసు ఆనంద పారవశ్యం పొందుతుందికదా ! మీరు చూపిన యీ అభినవ భువన విజయము మేలిమి బంగారమే. ఏమాత్రం సందేహం లేదు.
   ఐతే ఈ పద్యామనే బంగారానికి పదముల పొందిక, ఛందము, యతి ప్రాసలూ, సౌకుమార్యాన్ని, పరీమళాన్ని, సమకూరుస్తాయి. ” లక్షణ బద్ధము కాకుండా లక్షణ విరుద్ధములైతే పుత్తడిని యిత్తడిగా మార్చేస్తాయి. అటువంటివున్నాయేమో ఎవరికి వారు వారి రచనలను పరిశీలించుకొని తెలుసుకో గలిగితే రాబోయే దశమికి నిర్వహించబోతున్న భువనవిజయం అత్యద్భుతంగా ఉండేటట్టు నిర్వహించ వచ్చు. ఎవరి దోషం వారికి తెలుసుకోవాలనున్నా వారికి తెలియకపోవచ్చు. గుర్తించిన వారినుండి తెలుసుకోవచ్చు. మీరు కవాలనుకొంటే నేను గుర్తించినవి తెలియజేయ గలను. ఇలా వ్రాయొచ్చో వ్రాయ కూడదో నాకు తెలియదు. ఐనా తెలిసినది తెలియ జెప్పాలి కాబట్టి మీదగ్గర నాభావాన్ని వ్యక్తం చేశాను. తప్పయితే మన్నించ గలరు.
   నమస్తే.
   చింతా రామ కృష్ణా రావు.
   {ఆంధ్రామృతం బ్లాగు}
2. రానారె says:

   2008, September 26 at am 12:24

   చింతా రామ కృష్ణా రావు గారూ, ధన్యవాదాలు.ఇక్కడివారంతా విద్యార్థులే. మేలు చేసేవి సద్విమర్శలే కదా. మీ విమర్శలకు సుస్వాగతం.
3. chinta. ramakrishnarao. says:

   2008, September 26 at pm 8:28

   శ్రీ రానారే గారూ ! నమస్తే.
   మీ సహృదయతను అభినందిస్తున్నాను. మొదటి భువన విజయం చూచి నేను వ్రాసినది విమర్శ కాదు. ముందు జాగ్రాత్తకు కొన్ని సూచనలు మాత్రమే. మనల్ని మనం కాక మరవరు సరి చేస్తారు? అందుకే పరస్పరం సన్మార్గ సూచకులం కావాలి.
   ఇక్కడ నాదో సూచన. సుస్వాగతం అనే ప్రయోగం కంటే “స్వాగతం” అని లేదా “స్వాగతం సుస్వాగతం ” అనే ప్రయోగాలు యుక్తంగావుంటాయి. భాష భ్రష్టు పట్టకుండా చూడవలసిన బాధ్యత భాషాభిమానం గల ప్రతి ఒక్కనిపైనా ఉంది. మన పరిధిలో మనం పరస్పర అవగాహనతో సరి చూసుకొందాం.
   ఆ:-కాల గమనమందు కలుషిత మైపోవు
   కమ్మ నైన తెలుగు. కవి వరేణ్య !
   దోషములను గనిన భాషాభిమానులు
   తెలిపి, భాష విలువ నిలుప వలయు..
   అకుంఠిత సేవా తత్పరా! అభినందనలు.
   చింతా రామ కృష్ణా రావు.
   {ఆంధ్రామృతం బ్లాగ్}
4. రానారె says:

   2008, September 27 at am 10:38

   రామకృష్ణగారూ,

   సుస్వాగతం అనడంలో తప్పుందని ఇంతకు ముందు కూడా (సాహిత్యం గుంపులో అనుకుంటాను) ఎవరో చెప్పారండి. అయినా నేనా అలవాటు మానలేదు. సుస్వాగతం అనడం ఎందుకు తప్పో మీరొకసారి వివరించగలిగితే సంతోషం.
5. గిరి says:

   2008, September 27 at pm 9:24

   రానారె, సు + ఆగతం స్వాగతం అవ్వడం వల్ల స్వాగతానికి ఇంకో సు ప్రిఫిక్సక్కర్లేదని…

Comments are closed.