‹కొత్తపాళీ› విశ్వామిత్ర కవులకిది పిలుపు. “చార్మి, ఇలియానా, జెనీలియా, భూమిక”, ఈ నాలుగు పదాలనీ మీకు నచ్చిన ఛందంలో ఒక పొగడ్తగా పద్యం చెప్పండి!
* విశ్వామిత్ర ఇక్కడ లేరు (టైమవుట్)
‹కొత్తపాళీ› అరెరే .. విశ్వామిత్రుల వారికి స్టేజి ఫియరుగానీ వచ్చిందా ఏవిటి, సమయానికి?
‹చదువరి› విశ్వామిత్రకు కరెంటు పోయినట్టుంది!
‹గిరి› విశ్వామిత్ర గారికి మరెవరో అప్సరస దొరికినట్టుంది
‹కొత్తపాళీ› రాఘవ, పోనీ ఈ దత్తపది మీరు మొదలు పెట్టండి. గిరి, తరువాతి వంతు మీదే
‹రాఘవ› లోగడ వ్రాసినదిది…
జగతిని యెన్నడూ నిలువజాలవు చార్మికభూమికల్, సదా
నగజమనోహరున్ మదిని నమ్ముచు నిల్లియనాచరించుచూ
మృగధరునామమందు నువు మిక్కిలి మక్కువనొందు భక్తుడై
మిగిలిన రోజె నీలియరవిందసమర్చితుఁ దర్శనంబగున్.
చార్మిక అంటే చర్మ సంబంధిత, భూమికల్ అంటే సింగారాలు, ఇల్లియ అంటే ఉపవాసము. ఈ ప్రపంచంలో పైకి కనబడేవి శాశ్వతం కాదు. శాశ్వతమైన శివసాయుజ్యం పొందాలంటే నిరంతరం శివనామజపం చేస్తూ ఉపవాసదీక్షతో నమ్మికతో కొలవాలి – అని భావము.
‹రాకేశ్వరుడు› అద్భుతం రాఘవ గారు. శివునికి అంటగట్టారు మన కథానాయికలను
‹రాఘవ› అదే… ఆయన మాత్రమే వదుల్చుకోగలడు
‹గిరి› రాఘవ, మీ పద్యంలో రోజ, జనీలియా పెనవేసుకు కనబడుతున్నారు
‹రాఘవ› అదీ గిరంటే… రోజా కనబడిందీ
‹విశ్వామిత్ర› ఆవిడ రాజకీయ తీర్ధం పుచ్చుకుంది, జోలికెళ్లటం అంత మంచిది కాదు
‹కొత్తపాళీ› గిరీ, మీరు మొదలు పెట్టండి
‹గిరి› నాది చాలా ముక్కుసూటి ప్రయత్నం
అద్దమ్ము పట్టిన అతివలెవరు?
సావిత్రి, జమునయు, జానకి, అంజలి,
పదహారణాలకు పసిడి పేర్లు
బోల్డైన ఈనాటి బ్యూటిఫుల్ తెలుగుకు
తెరపైన వెలుగిచ్చు దీప్తులెవరు?
ఇలియాన ఛార్మి జెనీలియ భూమిక,
దిగుమతికేవీరు తీపిపేర్లు
తేట తెలుగుపలుకులలో పాటవమ్ము
పైట జార్చుటె నేర్చిన పైడిబొమ్మ
పైట జార్చుటె నేర్చిన పైడిబొమ్మ
లిట్టి నాయికారత్నాల కెట్లు వచ్చు
‹రాఘవ› వహ్వా
‹గిరి› పైట రెండు సార్లు జారింది, తప్పువల్ల, గమనించ గలరు
‹రాకేశ్వరుడు› వాహ్ వా వాహ్ వా….గిరి, కొన్ని తప్పులు ఒప్పులకంటే మథురం
‹కొత్తపాళీ› గిరి, 🙂 🙂 😀
‹విశ్వామిత్ర› “కేల వచ్చు” అంటే చెయ్యి ఊపగానే వస్తుందనా?
‹భట్టుమూర్తి› హహ్హ్హ్హ్హహ్హహ్హ
‹కొత్తపాళీ› విశ్వామిత్ర, హ హ్హ
‹కొత్తపాళీ› వాళ్ళని సీసంలో పోత బొయ్యడమే మీ చమత్కారానికి తార్కాణం! 🙂
‹రాఘవ› కొత్త నాయికలని ఛావగొట్టి చెవులు సీసంతో మూసేసారు కదా!
‹కొత్తపాళీ› విశ్వామిత్ర, మిమ్మల్ని ఆహ్వానించినప్పుడు తెరమరుగయ్యారు .. మీరూ కానివ్వండి ఈ దత్తపది
‹విశ్వామిత్ర› ఓ మాటు కృష్ణదేవరాయలకు దిగులు పట్టుకుంది ట, నేనే పాటి రాజుని అని, భువన విజయం లో ఉన్నా, మరే సభలో ఉన్నా, ఈ చీకు గుర్తుకు వచ్చేదిట. అలా ఉన్న రోజులలో ఓ సాయంవేళ ఉద్యానవనంలో ఉన్న రాజుగారితో తాతాచార్యులన్నారుట- “ఊరకే ఆకాశంలో అటూ ఇటు తిరిగే చంద్రుడు, దుర్యోధనుడు, ఇంద్రుడు రాజులా? మీరు రాజు గానీ” యని.
ఉ//
ఈశ,విచారమీతెరగు ఏర్పడ పాటియె? రాజె నీలియా
కాశపు దారిబోవుటను? కానక బంధుల, భూమికాశయై
……..
……..
‹రాఘవ› విశ్వామిత్రా, ఓ విశ్వామిత్రా… తర్వాత యేమిటి
‹కొత్తపాళీ› బాగు బాగు … కానివ్వండి
‹రాకేశ్వరుడు› భూమికాశ పడి ఏంచేశాడతను
‹రాఘవ› మళ్ళీ ఊడిందా కరెంటు?
‹చదువరి› విశ్వామిత్రునికి మళ్ళీ ఇబ్బందనుకుంటా!
‹గిరి› అయ్యో, నలుగురున్నారని మేమొస్తే ఇద్దర్నే ఇచ్చి ఆపేస్తే ఎలా
‹చదువరి› గిరి, 🙂
‹కొత్తపాళీ› గిరి, buy one, get one free కి ఇది వ్యతిరేకం!
‹రాకేశ్వరుడు› ఇలియానా చేత కూడా ఐటెం నెంబరు వేయించాలి
‹చదువరి› లాభంలేదు, విశ్వామిత్రుడు తన స్వంత పవరు ప్లాంటు పెట్టుకోవాలేమో!
‹విశ్వామిత్ర›
ఈశ,విచారమీతెరగు ఏర్పడ పాటియె? రాజె నీలియా
కాశపు దారిబోవుటను? కానక బంధుల, భూమికాశయై
నాశము చందగా పతియె? నాతుల కౌగిలియా?నతండు మౌ
నీశుని భార్యనైనవిడ నేర్వక రాజెబొ? రాజు రాయలౌ.
‹కొత్తపాళీ› విశ్వామిత్ర, హమ్మయ్య ఇంక నేనే రంగం లోకి దిగుదా మనుకుంటున్నా
‹రాఘవ› శభాష్
‹నాగరాజు› సూపర్ – మూడు పద్యాలు అదిరాయి.
‹చదువరి› పద్యం చాలా బావుంది.
‹రాఘవ› నాగరాజు, అదిరాయన్నారు, పద్యాలున్న చోట భూమి కంపించిందా?
‹నాగరాజు› మీలాటి వాళ్ళ ముందు ఉన్నప్పుడు – నా తల ఎప్పుడూ భూమి మీదే ఉంటుంది మరి
‹కొత్తపాళీ› ఈ దత్త పది మీద మంచి చమత్కారాలు రేగినై
————
సంకలనం: రానారె