‹కొత్తపాళీ› చదువరీ మీ పూరణ వినిపిస్తారా?
‹చదువరి› కొత్తపాళీ, అలాగే!
అ.వె.
మేళ్ళు జేతు మనుచు కీళ్ళు విరిచె
అస్తమయపు వేళ అవినీతి మసకేయ
రాజశేఖరుండు రాజ్యమేలె
‹విశ్వామిత్ర› “ఉదయభాను” – అంటె యాంకరమ్మ కాదు గదా?
‹నాగరాజు› చదువరిగారికి ఎప్పుడూ “పొద్దు” తలంపులే కాబోలు.
‹రాకేశ్వరుడు› బాగుంది
‹గిరి› ఆయన వచ్చినప్పుడు ఉదయభానుని వలె ప్రకాశించి, పదవీకాలం ముగుస్తున్న అస్తమయాన మసకబారిన రీతి.
‹భట్టుమూర్తి› చదువరి బ్లాగుల్లాగే పదునుదేరిన పద్యం
‹గిరి› చదువరి, కీళ్ళు ఎందరివో విరిచిన మాట నిజమే
‹చదువరి› ఇక్కడ.. మేళ్ళు అనే మాట… రాజా తప్ప మరొకరు వాడరు. అదాయన ట్రేడ్ మార్కు!
‹విశ్వామిత్ర› “ఉదయ భాను” అనగానే -ఇక్కడ కూడ వాణిజ్య విరామమా? (ట్రేడ్ మార్క్)
————————————————————————————
‹కొత్తపాళీ› చదువరి తరవాత గిరిధర కవి
‹గిరి› ఇక నా పూరణ (కొత్తపాళీ గారి అనుమతితో)
గుంటలు పడ్డదారులకు కొంపలు కూలవు, కూలి చెత్తతో
పెంటయి పోవువీధులకు పేటలు కాలవు, కాలి బూడిదౌ
పంటకి ఆత్మహత్యలకు పాల్పడ నేటికి? విజ్ఞులెప్పుడూ
వెంటయి రాని కీర్తికని వెంపరలాడి ధనమ్ము వీడరే?
ఇట్టి నీతి నమ్మి యింటిని చక్కగా
దీపముండగానె దిద్దదొడగె
పురజనులను మరచి పూర్తిగా, నివ్విధి
రాజశేఖరుండు రాజ్యమేలె
‹రాకేశ్వరుడు› బ్రహ్మాండం … వృత్తం!
‹నాగరాజు› వీరేశలింగం గారి రాజశేఖరచరిత్ర మీదకి ఎవరి కన్నూ పడ్లేదా?
‹భట్టుమూర్తి› ఆ రాజశేఖరుడు రాజు కాదు గదా!
‹నాగరాజు› కాదా – ఏమో నాకు తెలీదు.
‹కొత్తపాళీ› నాగరాజు, అదీ కాక … ఈ సమస్యకు పూరణను ప్రస్తుత రాష్ట్ర పాలన మీద చెప్పాలని నియమం విధించాము.
————————————————————————————-‹కొత్తపాళీ› తరువాత భట్టుమూర్తి
‹భట్టుమూర్తి› నేనూ ఒక ఆటవెలది చెబుతున్నాను ఈ సమస్యపై
ప్రాజ్యమాయె నిలను రాజీవ నామము
యిందిరమ్మ యిండ్లు నిందలాయె
పూజ్యమై నిలువఁగ ప్రోజెక్టు నాణ్యత
రాజశేఖరుండు రాజ్యమేలె
‹శ్రీరామ్‌› భళా!
‹నాగరాజు› వారెవ్వా, ఎత్తుగడలోనే శ్లేష. (ప్రాజ్యము=విస్తారము, బహుళము)
‹భట్టుమూర్తి› ధన్యోస్మి
————————————————————————————
‹రాకేశ్వరుడు› నాగరాజు, మన మిద్దరం ఒక ఒప్పందం కుదుర్చుకుందాం.. నాకు ఛందస్సు తెలుసు గాని సాహిత్యం తెలియదు.. మీకు ఛందస్సు తెలియదనుకుంటా.., మీరు కథలు చెప్పండి నేను వాటిని పద్యాలలోఁ పెడతాను (వచ్చే యుగాది భువన విజయానికి)
‹నాగరాజు› రాకేశ్వరుఁడు – వచ్చే ఉగాదికి నాకు ఛందస్సు తెలియవచ్చుగా?
‹రాకేశ్వరుడు› ఒక వేళ తెలియక పోతే … అని…
‹గిరి› నాగరాజు గారు, వచ్చే ఉగాదికి రాకేశ్వరుఁడు సాహిత్యమూ నేర్వవచ్చు!
‹నాగరాజు› రాకే్శ్వరుడికి ఇప్పుడు సాహిత్యం ఏమీ తక్కువలేదు కదా – కనీసం నా ఛందోపరిజ్ఞానంతో పోలిస్తే.
‹కొత్తపాళీ› రాకేశ్వరా… మీది యింకో పూరణ …
‹రాకేశ్వరుడు› పనిలో పనిగా నాది కూడా వినండి…
రాజకీయమిటుల రాష్ట్రముఁ జీల్చెను
ధరలుఁ దాకెఁ దివిని ధాత్రి వీడి
గుత్తెకాండ్లు గూడి గుళ్ళను దోచిరి
రాజ్యశేఖరుండు రాజ్యమేలెఁ
‹రాకేశ్వరుడు› రాక-ఈశ్వరుండు రాత రాసెఁ
‹చదువరి› బావుంది. గుత్తేదార్లు (కాంట్రాక్టర్లు) గుళ్ళో లింగాల్నే మింగగలరు, ఇక గుళ్ళెంత!
‹గిరి› గుత్తెకాండ్లు గూడి గుళ్ళను దోచిరి – బావుంది, గూళ్ళన్నా గుళ్ళన్నా సరిపోతుంది
‹రాకేశ్వరుడు› పాపం అందరూ తిడతారని తెలిస్తే నేను పొగుడుతూ పద్యం వ్రాసేవాడినే
‹భట్టుమూర్తి› గుత్తెకాడు పదాన్ని వాడుకలో పెట్టారు బాగుంది
‹విశ్వామిత్ర› దోచిరి/ ‘మింగిరి’ అనవచ్చు
‹రాకేశ్వరుడు› మింగిరి బాగుంది
‹రాకేశ్వరుడు› అన్నట్టు ఈ సమస్యకు అలా వ్రాసుకుంటూ పోవచ్చు అనంత ఆటవెలది… ప్రస్తుత రాష్ట్ర పాలనకి.
‹కొత్తపాళీ› రాకేశ్వరుఁడు, అవును మరి ఆట వెలదులకు లోతెక్కువకదా.
‹రాకేశ్వరుడు› అవును, రాఘవమూర్తులు ఏరి? ఆయన చెప్పిన పద్యం చూడండి –
ముళ్ళదారులందు వెళ్ళు రీతిఁ
రాజశేఖరుండు రాజ్యమేలెఁ గనుక
పట్టు కొఱకు చూడవలయు మనము.
‹కొత్తపాళీ› ఆహా…బాగుబాగు. రాజకీయ ఘాటు ఎక్కువైందేమో… ఒక దత్త పది వేసుకుందామా?
‹రాకేశ్వరుడు› దత్త పదకొండు వేసుకుందాం 🙂
————
——————-
సంకలనం: రానారె
