విజయదశమి పద్యకవితా సమ్మేళనం – చివరిభాగం

– రానారె

[గతభాగం]

{రాయలు}: భట్టుమూర్తీ, మీకో చక్కని చిక్కని సన్నివేశం చెబుతా
{భట్టుమూర్తి} చెప్పండి ప్రభూ
{రాయలు}: ఒక అయిదేళ్ళ పిల్లవాడు. వాళ్ళింటి పెరట్లో చెట్టు మీద పక్షి ఒకటి గూడు పెట్టింది. ఒకరోజు వీడు నిద్ర లేచేప్పటికి ఆ గూట్లోంచి రాత్రి పొదిగి బయటికొచ్చిన పిల్లల కీచు గొంతులు వినిపిస్తున్నై. ఆ సన్నివేశాన్ని కళ్ళకి కట్టినట్టు మీ అలతి పదాలతో లేత కవిత…
{భట్టుమూర్తి} చిత్తం. అదంతా ఆ బాలుడు చూస్తున్నాడు. ఎలా చూస్తున్నాడయ్యా అంటే…

ఉ||

అంతలో ఇంట్లో నుంచి అమ్మ పిలుపు – ‘ఏఁరా చిన్నోడా, దీపావళి సద్దే లేదు! పటాకులు (టపాసులు) కాల్చలేదేఁ?’

ఊసులఁ జెప్పగ రమ్మని
ఆసగ నను బిలిచి రమ్మ నా సరి మిత్రుల్

అమ్మ – ‘బాగుంది. ఆ గువ్వ పిల్లల నెంత సేపు చూస్తావు? ముఖం కడుక్కొని దోసెలు తిందువు రా’.

{విశ్వామిత్ర} తక్కిన లోకమున్ మఱచి |తన్మయుఁడై గనుచుండె బాలుఁ డా – బాగుంది. పక్కి సహోదరుల్ – మంచి ప్రయోగం
{గిరి} భట్టుమూర్తీ, భేష్భేష్
{పూర్ణిమ} ఆహా!
{రామకృష్ణారావు}: చాలా బాగున్నాయి.
{పెద్దన} సెబాసో!
{రాయలు}: ఉత్పలమాల అద్భుతంగా కూర్చారు. చొక్కపు కూనలు .. మురిసి ముక్కలయ్యా ననుకోండి.
{చదువరి} సన్నివేశం లాగే చక్కగా లలితంగా ఉంది!
{దైవానిక} భట్టుమూర్తి పిల్లల్లో పిల్లోడు..
{గిరి} అవును, కడు చక్కగా కూర్చబడిన ఉత్పలమాల పద్యము
{పెద్దన} ఉత్పలమాలలో ప్రాసపదాలు అద్భుతం!
{చంద్రమోహన్} ఏవీ మిగిలిన రెండు పాదాలు?
{భట్టుమూర్తి} చంద్రమోహన్ గారూ, చిన్నోడు కాబట్టి సగంసగం కందాల్లో మాట్లాడుతున్నాడన్నమాట 🙂

{రాయలు}: RK గారు .. మీది?
{రామకృష్ణారావు}: ఒక ఐదేళ్ళ పిల్లాడు మొదటి సారిగా వాళ్ళింటి చెట్లో ఒక పక్షి గూడు పెట్టడం చూశాడు..

ఉ:

{గిరి} అంతా ఒకే పద్యంలో భలే ఇమిడ్చేసారండీ
{రాయలు}: అంతే కాదు, తాతా మనవళ్ళ బంధాన్ని కూడ ముడి వేశారు దాంట్లోనే
{పెద్దన} అవును అదే ఆ పద్యానికి కొసమెరుపు!
{రామకృష్ణారావు}: అల్పాక్షరంబుల అనల్పార్థ రచన చెయ్యాలన్నారు మా గురువుగారు
{దైవానిక} బాగు బాగు 🙂
{రామకృష్ణారావు}: ధన్యవాదాలు

{రాయలు}: నా అధ్యక్షతలో ఇదింక చివరి పద్యం .. విశ్వామిత్రా .. ఈ సమస్య మీకు. “నాట్యము జేసె భామ తన నాధుడు తయ్యని తాళమేయగన్”‌.
{విశ్వామిత్ర} మ్, చెప్పండి ప్రభూ

{గిరి} అంజలి దేవిని, ఆదినారాయణరావుని భలే లాగారండీ పద్యంలోకి
{విశ్వామిత్ర} గిరి, తమరునేర్పిన విద్యయే
{దైవానిక} ఇది కొంపదీసి అంజలీ దేవి కాదు కదా!
{చదువరి} కొంపదీయకుండానే! మంచి చమత్కారం.
{విశ్వామిత్ర} దైవానిక, ఆవిడ ఇంటిపేరు నాకు తెలీదు 🙂
{దైవానిక} 🙂 😀
{రామకృష్ణారావు}: చమత్కరించాలంటే మీ తరువాతే.
{సాలభంజికలు} విశ్వామిత్రా – చమత్కారం అదిరించారు. అంజలి భర్త సంగీత దర్శకుడు కదా?
{భట్టుమూర్తి} సాలభంజికలు – ఔను. భక్తతుకారాం పాటలు, రాజశేఖరా నీపై మోజు తీరలేదురా… పాట ఆయనవే.
{విశ్వామిత్ర} అవునండీ
{పెద్దన} ప్రాసకోసం పాట్లుపడక్కరలేకుండా పదాన్ని నాట్యమయం చేసారు, బావుంది!
{విశ్వామిత్ర} ప్రాసకోసం పాట్లు పడే, చివర్కి ఈ దారి తొక్కాను
{భట్టుమూర్తి} విశ్వామిత్రా, మీ చమత్కారం ఎప్పటికప్పుడు కొత్తగా వుంటూ ఆశ్చర్యపరుస్తుంది
{విశ్వామిత్ర} భట్టుమూర్తి మేనక అందం లాగానా
{భట్టుమూర్తి} విశ్వామిత్రా అలాగే అనుకోండి. మేనక అందాలు తాగినవారు తమరు. మేక పాలు తప్ప ఏమీ ఎరగనివాణ్ణి నేను. 🙂

{పెద్దన} డిశెంబరులో మొక్కుకుని మే నెల్లో తిరపతికెళ్ళి మొక్కు తీర్చుకున్న వాడి సుఖదుఃఖాలు … వర్ణన విందాం. గిరిగారూ, గుండు మొక్కుని తీర్చేసుకోండి మరి!
{గిరి} వినండి

వ. ‘పుష్యమి మాసంలో మొక్కు’

మ.కో.

వ. ‘పెరిగిన జుట్టు’

కం.

వ. ‘ఎండా కాలము’

కం.

వ. ‘జ్యేష్ఠ మాసంలో కల్యాణ కట్ట దగ్గర ముండనము’

కం.

అదీ గుండు పురాణం

{దైవానిక} గిరి గారు, మత్తకోకిల వ్రాసింది మీరొక్కరే అనుకుంటా గుండందము, గుండు ముదము, గుండే సుఖమోయ్ 🙂
{పూర్ణిమ} గుండందము, గుండు ముదము, గుండే సుఖమోయ్ – భలే! 🙂
{పెద్దన} “గుండందము, గుండు ముదము, గుండే సుఖమోయ్” – ఇది గుండున్నంత కాలం నిలిచిపోయే మాట! 🙂

[గిరిగారి ఈ పద్యాలతో సభంతా నవ్వులమయమైపోయింది]

{రాయలు}: తెలుగు భారతికి నమస్కారం. సభనలంకరించి మమ్మల్ని అలరించిన కవిపుంగవులకు నమస్కారం. అభిమానంతో విచ్చేసిన అతిథులకి నమస్కారం. కవివర్యులారా, అతిథులారా, నేనిక శలవు తీసుకుంటాను. మీరు కవితాగోష్ఠియో ఇష్టాగోష్ఠియో కొనసాగించవచ్చు.
{పెద్దన} సభని రక్తిగట్టించిన రాయలవారికి అభివందనం! ఇక స్వస్తి వాక్యం పలికేద్దాము.

{గిరి} {చంద్రమోహన్} {విశ్వామిత్ర} అద్భుతం
{దైవానిక} జై శ్రీరామ చంద్ర ప్రభుకీ జై
{విశ్వామిత్ర} {చదువరి} {పెద్దన} జై శ్రీమద్రమారమణ గోవిందో హరి!
{గిరి} ప్రాసపూర్వాక్షరాలలో శ్రీరాముని బాగా కీర్తించారు
{చంద్రమోహన్} అసలెన్ని అలంకారాలు కూర్చారా అని లెక్క పెడుతున్నాను. శ్రీకారం చుట్టి సభను ముగిస్తున్నారు. 🙂
{దైవానిక} ఉద్యమము జేసినవివీ,|| పద్యములా కాదు కాదు , పగడాల్, ముత్యాల్,
{గిరి} సభలో పాల్దొన్న అందరికీ ధన్యవాదాలు
{పెద్దన} Chandra_Mohan: మంగళాదీని, మంగళ మధ్యాని, మంగళాంతాని అన్నారు కదా!
{విశ్వామిత్ర} మరో సభకి శ్రీకారం అన్నమాట
{పెద్దన} విశ్వామిత్రా, బాగా చెప్పారు!

[ఈ అభినవాంతర్జాలభువనవిజయంలో వినిపించబడిన మరికొన్ని పద్యాల కోసం కవిపుంగవుల ( ఈ పదంలో కవి శబ్దం పునరుక్తిగా ధ్వనిస్తే నా తప్పేం లేదు 🙂 ) బ్లాగులను సందర్శించండి.]

{చంద్రమోహన్} సమయం ఎలా గడిచిందో తెలియలేదు
{దైవానిక} అవును .. దాదాపు ౫ గంటలు
{అందరూ} అందరికీ నెనరులు, వందనాలు!
{పెద్దన} సర్వే జనాస్సుఖినో భవంతు!
{దైవానిక} జై తెలుగు తల్లి.

**************

కృతజ్ఞతలు

ముందుగా అతిథులకు మా హృదయపూర్వక కృతజ్ఞతలు.

పొద్దు సంపాదకులు సిముర్గ్ సూచనమేరకు విజయదశమి సందర్భంగా మరో భువనవిజయసభను నిర్వహించాలనే తలంపుతో బ్లాగులోక పద్యకవులకు నెల రోజుల క్రితం ఆహ్వానం పలికాము:

నమస్కారమ్. గత ఉగాది పద్య సమ్మేళనం బహు రంజుగా సాగిన సంగతి మీకు అనుభవమే. ఈమారు విజయదశమి సందర్భంగా మరోమారు మీ అందరికీ హృదయపూర్వక ఆహ్వానం. వేదిక – ‘పొద్దు’లో ఒక కబుర్ల గది. ఈ సారి కూడా మన బ్లాగు కవుల పద్య సమ్మేళనానికి అధ్యక్షత వహించవలసిందని మన రాయలవారిని సంప్రదించాను. సంతోషంగా ఒప్పుకున్నారు. మరీ సంతోషకరమైన విషయమేమిటంటే – ఈసారి భైరవభట్ల కామేశ్వర రావు గారు మనలో ఒకరు. ఇంకా బ్లాగులోక నవ కవిత్రయము రామకృష్ణగారు, చంద్రమోహన్ గారు, దైవానికగారు సభనలంకరించబోతున్నారు. ఈమారు సభలో తాడేపల్లిగారిని, శ్రీరామ్ గారి పద్యాలను కూడా చూడగలమని ఆశిద్దాము.

ఈ రెండవ భువనవిజయాన్ని సాహిత్య, సాకేంతికాంశాలలో మరింత ఆసక్తికరంగా, సౌకర్యవంతంగా జరుపడానికి సర్వం సిద్ధమయినట్లే వుంది. త్వరలో ‘సమస్యలు’ మనల్ని చుట్టుముట్టి ఆహ్లాదపరచబోతున్నాయి. బ్లాగులోక వర్తమానంలో కందమకరందానందపరీరంభులై వున్న మీరంతా “సై”యంటారనుకుంటాను.

నెనరులు,
— రానారె

రానారే రా రమ్మని || తానే స్వాగత కవనపు దారులు పరిచే …” అంటూ ముందుగా లంక గిరిధర్ గారు స్పందించారు.

ఆ వెంటనే భైరవభట్ల కామేశ్వరరావుగారు (మా పెద్దన) …

మా ప్రయత్నాన్ని బలపరుస్తూ తాడేపల్లి లలితాబాలసుబ్రహ్మణ్యం గారు …

కం||

తెలుగు పండితులు శ్రీ చింతా రామ కృష్ణా రావు గారు …

ఆ:-

గీ:-

ఈ మాటలతో ఉత్తేజితుడైన నవ పద్యకారుడు పాలడుగు శ్రీకాంత్ (దైవానిక) గారి స్పందన: “ఈ భువన విజయం తలుచుకుంటేనే ముచ్చమటలు పడుతున్నాయి. ప్రశ్నపత్రం చూసాక మిడిల్ డ్రాప్ ఉంటది కదా! నాకెందుకో కాస్త భయంగా, కాస్త ధైర్యంగా ఉంది :)”

ఎప్పటిలాగే మాలో స్థైర్యాన్ని నింపుతూ తాడేపల్లివారు:

కం॥

కం||

సాధనమున పనులు సమకూరు ధరలోన … అన్నట్లుగా నిర్విరామంగా పద్యాలల్లడాన్ని సాధన చేసి ‘విజయుడైన గిరిధరుని’కీ ప్రశంస కూడా …

కం||

“పొద్దు వారి కొత్త ఉపాయం బాగుంది” అంటూ ఆచంట రాకేశ్వరరావుగారు, “వెంబడి నా పద్యకుసుమం సమర్పించుకొనగల వాడను” అంటూ వికటకవి గారు వర్తమానం పంపించారు.

అంతలో చింతా రామకృష్ణారావుగారి నుండి ఈ పద్యధార …

క||

శా||

క||

ఇంకా శ్రీయుతులు తుమ్మల‌శిరీష్‌కుమార్ (చదువరి), చంద్ర మోహన్ (చంద్రిమ), చెణుకుల నిపుణులు విశ్వామిత్ర (ఊకదంపుడు) పాల్గొన్నారు. ఈ-భువనవిజయాధినేత రాయలవారిగా కొత్తపాళీగారు ఎంతో శ్రమనూ సమయాన్నీ వెచ్చించి సమన్వయకర్తగా వ్యవహరించారు. ఈ అందరికీ మేమెంతో ఋణపడి వున్నాం. సభాభవన నిర్మాణ శిల్పి మరియు పర్యవేక్షకులు వీవెన్ గారికి ప్రత్యేక ధన్యవాదాలు.