ఫోటో చెప్పే కథలు – అలా-ఇ-మీనార్

ఈ ఫోటోలో ఉన్న కట్టడం పేరు అలా-ఇ-మీనార్. భారతదేశాన్ని ఏలిన ముస్లిం పాలకుల్లో అక్బర్, షేర్షాల తర్వాత అంతగొప్పవాడిగా అలాఉద్దీన్ ఖిల్జీని చరిత్రకారులు పేర్కొంటారు. అతడి సైనిక విజయాలే కాకుండా అతడు చేపట్టిన పరిపాలనా, సైనిక, ఆర్థిక సంస్కరణలు అతడికి ఆ స్థాయిని తెచ్చిపెట్టాయి. ఐతే అతడికి తాను సాధించిన విజయాలతో తలచుకున్నదేదైనా చేసెయ్యగలననే గర్వం పొడసూపింది.

అతడు చెయ్యాలనుకుని చెయ్యలేకపోయినవి/విరమించుకున్నవి:

1. మహమ్మదు ప్రవక్తలాగే ఒక కొత్త మతాన్ని స్థాపించడం.
2. విశ్వవిజేత కావడం.

ఈ బొమ్మలోని నిర్మాణం కూడా ఆ కోవలోకే వస్తుంది. ఢిల్లీలోని World Heritage site ఐన కుతుబ్ కాంప్లెక్స్ లో ఇది ఒక భాగం. కుతుబ్ మీనార్ కంటే రెండింతలు ఎత్తైన మీనార్ కట్టాలని సంకల్పించి అలాఉద్దీన్ ఖిల్జీ మొదలుపెట్టిన నిర్మాణం. 160 మీటర్లు అనుకున్నది కాస్తా కేవలం ఇరవైనాలుగున్నర మీటర్ల వరకూ వచ్చి ఆగిపోయింది. (కుతుబ్ మీనార్ ఎత్తు 72.5 మీటర్లు/239 అడుగులు.)

(ఫోటో & కథనం: త్రివిక్రమ్)