-డా. పులిపాటి గురుస్వామి
ఎప్పటికీ
ఏదో ఒక బాధ..
దానికి రూపం ఉండదు,
నువ్వనుకుంటున్నట్టు
సరిహద్దులు కూడా ఉండవు.
నన్ను కాపాడుకోవటం కోసం
అది ఆవహించుకు పోతుంది.
వందశాతం వశీకరణ మంత్రమేదో ఉంది.
నేను దాన్ని ప్రేమించినట్టే
అది కూడా నన్ను..
కనికరింపుల కలత
దుఃఖాన్ని సాదరంగా
చేయి పట్టుకు తీసుకువచ్చి
నిలబెడితే..
దాని దీనమైన ముఖానికి
నవ్వాగదు నాకు..
నాకు నువ్వు కావాలి
దుఃఖం కూడా కావాలి .
డా.పులిపాటి గురుస్వామి గారు, ఎల్.బి.నగర్, హైద్రాబాద్లో వైద్యవృత్తిలో ఉన్నారు. కవిత్వం,రచనలు ప్రవృత్తి. స్వీయ కవితలతో “చెమ్మ” కవితా సంకలనాన్ని ప్రచురించారు.”జీవిగంజి” దీర్ఘ కవితను రచించారు.
4 Responses to శకలస్వరం