జనవరి 2010 గడి ఫలితాలు – వివరణలు

-కొవ్వలి సత్యసాయి

జనవరి 2010 వివరణలు

ముందుగా గడి సులభంగా ఉందని చెప్పినవారందరికీ నా కృతజ్ఞతలు. చాలా సులభంగా ఇచ్చానని అనుకున్నప్పుడల్లా చాలా కష్టంగా ఉందని పూరకులనుకున్నప్పుడు కాస్త ఆశ్చర్యమేసేది. మా ఇస్టూడెంట్ పిలకాయలు ప్రశ్నాపత్రం ఎంత ఈజీగా ఇచ్చాననుకున్నాకష్టంగా ఉందని వగర్చడంగుర్తొచ్చేది. ఒకే కూర్పరి గడి కొన్ని సార్లు చేస్తే దాన్లోని నాడి పట్టుకోవచ్చు. ఆనక సులభం అనిపిస్తుంది. ఇప్పుడు అదే జరుగుతోందనుకోవచ్చు. ఇంకో విషయం, గడినింపేవాళ్ళు, ముఖ్యంగా కొత్తవారు, పెరగడం ముదావహం. వారందరికీ నాఅభినందనలూ, అభివాదాలూ.

ఈసారి గడికి 29 పూరణలు 24 మందినుండి వచ్చాయి. ఒకే తప్పుతో నాగార్జున, ఆదిత్య, కామేశ్వర రావు, శుభ గార్లు, రెండు తప్పులతో రాగమంజీర, కోడీహళ్లి మురళీమోహన్, శ్రీలలిత, శ్రీలు, సుభద్ర వేదుల గార్లు, మూడు తప్పులతో బుడుగాయ్, నాగేశ్, వల్లీసునీత గార్లు పూరించారు. ఆవెనుకనే ఉన్నవారు జ్యోతి, సుధారాణి, శైలజ, అపరంజి, భమిడిపాటి ఫణిబాబు, భమిడిపాటి సూర్యలక్ష్మి, రాజేశ్వరి, రాధిక, అరిపిరాల, అపురూప గార్లు. చిత్తి గారికి పూరించడం కొత్తఅనుకుంటా అందుకని వర్ణక్రమదోషాలు, ముద్రా రాక్షసాలు ఎక్కువ కనిపించాయి. క్రమంగా అలవాటైపోతుంది, పూరిస్తూఉండండని వారికి మనవి.