జూలైలో తెలుగు బ్లాగుల విశేషాలు

-సిముర్గ్, వీవెన్, చదువరి

వెల్లువెత్తిన వ్యాఖ్యలు
ఈ నెల బ్లాగుల్లో వ్యాఖ్యలు వెల్లువెత్తాయి. మామూలుగా జాబుకు పది పదిహేను వ్యాఖ్యలు ఉంటే బాగా ఉన్నట్టే! అలాంటిది, ముప్పై నలభై యాభై వ్యాఖ్యలు కూడా అందుకున్నాయి.

మీనాక్షి రాసిన నేను ఎందుకు ప్రేమించలేదంటే…..??? కు 51 వ్యాఖ్యలు వచ్చాయి. ఆమే రాసిన పుచ్చకాయ పచ్చడి చేద్దాం రా..!!!.( సినిమా..) కు 40 కి పైగా వ్యాఖ్యలు వచ్చాయి.
సుజాత రాసిన నా జర్నలిస్టు ఉద్యోగం పరంపరకు మంచి స్పందన వచ్చింది. మొదటి భాగానికి 49 వ్యాఖ్యలు వచ్చాయి.
కత్తి మహేశ్ కుమార్ రాసిన కట్నానికి మరో వైపుకు 54 వ్యాఖ్యలు వచ్చాయి.

బ్లాగు వివాదాలు

జూలైలో బ్లాగుల్లో రేగిన వివాదాలు కొందరు బ్లాగరులకు కలత కలిగించాయి. కులం, మతం, బ్లాగు మర్యాద మొదలైనవాటిపై వివాదాస్పద జాబులు, వ్యాఖ్యలు కలకలం కలిగించాయి. ముందుగా.. కుల ఘర్షణల సమస్యపై తెగేదాకా లాగడం వరసలో తాడేపల్లి లలితాబాలసుబ్రహ్మణ్యం రాసిన నాలుగో జాబులో గట్టి చర్చే జరిగింది. ఈ విషయంపైనే కత్తి మహేష్ కుమార్ ఒక మెతుకు పట్టుకునిచూస్తే చాలా !?! అనే జాబు రాసారు.

కలగూరగంపలో జరిగిన ఆ చర్చల హోరు మతం గురించి రాస్తున్న మరో బ్లాగులో ప్రతిధ్వనించాయి. ఈ బ్లాగులో వివిధ మతాల ఆచారాలను పోలుస్తూ రాసిన జాబులు మరో కొత్త బ్లాగు సృష్టికి అంకురార్పణ చేసి ఆ రెండు బ్లాగుల మధ్య ఒక చిన్న బ్లాగు యుద్ధానికి దారి తీసాయి. ఆ తరువాత ఆ రెండు బ్లాగులనూ మూసివేయడంతో ఆ వివాదం సమసిపోయింది.

బ్లాగు మర్యాదలపై చెలరేగిన వివాదం తీవ్రమైన చర్చకు దారితీసింది. కూడలి కబుర్ల గదిలో కొత్తా పాతా బ్లాగరులు సమావేశమై చర్చ కూడా జరిపారు. బ్లాగరులు తమ జాబులను పదే పదే తాజాకరించడంతో కూడలిలో ఎల్లప్పుడూ పైనే ఉంటూ వచ్చిన వైనంపై తెలుగుబ్లాగు గూగుల్ గుంపులో జరిగిన చర్చతో వివాదం మొదలైంది. బ్లాగింగులో రాగింగు అంటూ సరస్వతీకుమార్ ఒక జాబు రాసారు. ఆదివారం నాడు కూడలి కబుర్లలో చర్చ కూడా జరిగింది. ఈలోగా.. టపాలు ఎన్ని రాయాలో, ఎలా రాయాలో కూడా మీరే చెప్పేస్తారాండీ అంటూ తెలుగువాడిని ఓ జాబు రాసారు. ఆ తరువాత రెండు రోజులకే వీవెన్ కూడలిలో తగుమార్పులు చెయ్యడంతో సమస్య పరిష్కారమైంది. దీనికి తోడు బ్లాగర్ల హక్కులేమిటి అంటూ కల్పనా రెంటాల రాసిన జాబులో కూడా చర్చ జరిగింది.

చర్చలు

• మగాళ్ళు ‘ఈవ్ టీజింగ్’ ఎందుకు చేస్తారు? అంటూ మహేశ్ మొదలు పెట్టిన చర్చని ఇంతులూ, ఇలా ఎదుర్కోండి అంటూ జ్యోతి పొడగించారు. ఇందుకు వివిధ పరిష్కారాలు, సూచనలతో మరో భాగంలో చర్చ జరుగుతూంది.
• దెబ్బతిన్న మనోభావాలు: ఈ మధ్య మనోభావాలు దెబ్బతిన్న కొందరు నాయకులు సమాజంలో సృష్టిస్తున్న హంగామాపై బ్లాగరులు స్పందించారు. మహేష్ ఒక చక్కని బొమ్మతో నా మనోభావాలు దెబ్బతిన్నాయంటూ జాబు రాసారు. బ్రహ్మి రాసిన జాబు వ్యంగ్య ధోరణిలో సాగింది. జూలైలో మొదలైన ఈ బ్లాగులో ఇదే మొదటి జాబు. జంబలకిడిపంబలో మరో వ్యంగ్య విమర్శ వచ్చింది. ఇందులో ఇతర వార్తలతో పాటు మనోభావాలు దెబ్బతిన్న వార్త కూడా రాసారు. వీరికి భిన్నంగా స్పందిస్తూ నాగరాజా మంద కృష్ణ మాదిగ ది గ్రేట్ అనే జాబు రాసారు.

రాజకీయాలు / సామాజికం

• మేడిపండు ప్రజాస్వామ్యం అంటూ ఇటీవలి దేశ రాజకీయాల్లోని పరిణామాలని వివరిస్తున్నారు అంతర్యానం సాయి కిరణ్ కుమార్
• మన శాస్ర్తజ్ఞులలోనూ ఇలాంటి నమ్మకాలున్నాయా? అంటూ భోగట్టాతో సహా నరిశెట్టి ఇన్నయ్య ప్రశ్నిస్తున్నారు.
• హైదరాబాద్ పేరుని భాగ్యనగరం గా మార్చాలి అంటూ సూటిగా సుత్తి లేకుండా చెప్పేస్తున్నారు శివ.
• బెంగళూరు, అహ్మదాబాదుల్లో జరిగిన బాంబుపేలుళ్ళపై ఎక్కువమంది బ్లాగరులు స్పందించలేదు. బెంగళూరు బాంబుపేలుళ్ళు జరిగీ జరగ్గానే త్రివిక్రమ్ అవీ ఇవీలో జాబు రాసారు. భైరవభట్ల కామేశ్వరరావు రెండు కన్నీటి చుక్కలు రాల్చారు. ఈ పేలుళ్ళ నేపథ్యంలో మైనారిటీలది తప్పేకాదంటూ తేటగీతిలో వచ్చిన జాబుపై కొంత చర్చ జరిగింది. ఆ జాబును తీవ్రంగా విమర్శిస్తూ వ్యాఖ్యానించిన భావకుడన్ ఆ జాబు ధోరణిని ఖండించండంటూ తన బ్లాగులో పిలుపునిచ్చారు.
• పిల్లలతో అర్థనగ్న డ్యాన్సులా.. అంటూ నోరు నొక్కుకుంటున్నారు, ఎస్పీ జగదీష్.
• తెలుగుదేశం పిల్లిమొగ్గలు – కొత్తపల్లి జయశంకర్‌ అంటూ శ్రీకాంత్ ఒక జాబు రాసారు. రెండేళ్ళ్ అతరవాత ఈ బ్లాగులో కొత్త జాబు వచ్చింది.
• అణు ఒప్పందం ఒక ధృతరాష్ట్ర కౌగిలి అంటూ గుండెచప్పుడులో కొణతం దిలీప్ చెబుతున్నారు.

జ్ఞాపకాలు / ‘స్వ’గతాలు

• బ్లాగువనంలోఎస్కలేటరోఫోబియా
• సోడా గోళీతో బ్లాగాడిస్తా.
• తనకు హిందీ నేర్పిన వీరయ్య మాస్టారుని, వారింట్లోని సున్నుండల రుచినీ స్మరించుకుంటున్నారు వేణూ శ్రీకాంత్
• తన జర్నలిస్టు ఉద్యోగంలోని జ్ఞాపకాలని నెమరు వేసుకుంటున్నారు మనసులో మాట సుజాత.
• సమాజసేవకై గ్రామాలకు వెళ్ళినపుడు తనకు ఎదురైన అనుభవాన్ని కృపాల్ కాశ్యప్ చెబుతున్నారు.
• నేనూ నా రచనలూ జాబులో నిడదవోలు మాలతి తన సాహితీ నేపథ్యం గురించి తెలియజేస్తున్నారు.

హాస్యం / వ్యంగ్యం

• మాటలు – సామెతలు – నిజాలు
• తలవంచని వీరుడు
  
• ఓ లేత సాఫ్టువేరు కుర్రోడి కష్టసుఖాలని జంబలకిడిపంబలో ఏకరువు పెడుతున్నారు
• క్రాంతి గాయం చెప్పే ఉప్మా పురాణం ఆలకించండి.
• హ హా హాసిని అంటూ విలపిస్తున్న మురళీ గానం వినండి
• సిద్ధ-బుద్ధల సంవాదానికి బ్లాగు లోకంలో అభిమానులు మెండు. వారం వారం రావలసిన ఈ విశేషానికి ఈ మధ్య కాస్త ఎడం వచ్చింది. ఆ విరహాన్ని భరించలేకేమో ఊకదంపుడు డూపు సిద్ధ డూపు బుద్ధల జాబు రాసారు. ఆ తరువాత విహారి బ్లాగులో అసలు సిద్ధ, బుద్ధలు తిరిగొచ్చారు. వారం వారం ఈ జాబు రాకపోతే మరింతమంది డూపులను రంగంలోకి దింపేందుకు ఇతర బ్లాగరులు సిద్ధపడుతున్నారని విశ్వసనీయ వర్గాల సమాచారం.
• బ్లాగరులే సినిమా తీస్తే.. రాకేశ్వరరావు ఈ ప్రయోగం చేసారు. ఈ విషయంపై వచ్చిన ౫ జాబుల్లో కొన్ని చక్కని వ్యాఖ్యలు కూడా చోటు చేసుకున్నాయి.

ఇతరత్రా

• నటనా రంగా వైభవ మూర్తి ఎస్వీ రంగారావు, సాంప్రదాయ సంగీత రహదారి కూడలి – మంగళంపల్లి అంటూ విశిష్ఠ తెలుగు వ్యక్తులని తెలుగురధంలో ఊరేగిస్తున్నారు కొంపెల్ల శర్మ. తెలుగు వారిలో ప్రతిభావంతుల గురించి తెలుసుకోవాలంటే, వీరి బ్లాగులో మన ప్రతిభావంతులు అన్న వర్గంలో చూడండి.
• XP లోనే Vista ఫీచర్స్ పొందడమెలాగో శ్రీనివాస బాబు వివరిస్తున్నారు.
• మానవత్వం మరచిపోయిన వైనాన్ని కవితలో పొదిగారు బొల్లోజు బాబా
• కొత్తపాళీ డీసీ ప్రయాణ విశెషాల గురించి చెబుతున్నారు.
• రానారె చెబుతున్న ఈ ప్రకృతి పరిశీలన చదివి, చూడండి.
• ఆడవాళ్ళమండి మేము అంటూ కొందరు స్త్రీల మనస్తత్వంపై రమణి రాసిన జాబులో చక్కటి చర్చ జరిగింది.
• శ్రీపాద సుబ్రహ్మణ్య శాస్త్రి వీలునామాతో నాలుగు నెలల తరువాత మళ్ళీ ఫణీంద్ర కలం పట్టారు.

బ్లాగుల గురించి

• బ్లాగంటే, ఇదిగో.. ఇలా ఉండాలి !
• మైక్రోబ్లాగింగు గురించి ప్రవీణ్ గార్లపాటి ఓ జాబు రాసారు.
• నాలెడ్జి వ్యాసాల గురించి కూడా విన్నారా? వీటిని నాల్ (Knol) అని అంటున్నారు.

కొత్త బ్లాగులు

• ఆడవాళ్ళ మనలో మాట
• అనేక జోకులను ఒక కథలో పేర్చి, హాస్యదర్బారుగా అందిస్తున్నారు అరిపిరాల సత్యప్రసాద్
• తెలుగువీర లేవరా అంటూ గళమెత్తారు, బ్లాగులకు పాతకాపే ఐన భైరవభట్ల కామేశ్వరరావు.
• తెలుగువ్యూస్ అనే ఈ బ్లాగును మధు రాస్తున్నారు. మొదటి నెలలోనే 37 జాబులు రాసారు.

ఈ నెల జాబులు:

• చిన్ననాటి జ్ఞాపకాలను గుర్తు చేసుకోవడం బ్లాగరుల అభిమాన విషయం. చదువరుల గుండెలను తాకి, వారిని తన భావోద్వేగంలో లీనం చేసేసుకోగలగడం కొన్ని జాబుల ప్రత్యేకత. అలాంటి జాబు – శిలాక్షరాలైన క్షణాలు- 2. ఇది మా ఈనెల జాబుల్లో ఒకటి. ఇది రెండు జాబుల వరసలో రెండోది. మొదటి జాబు చదివి ఈ జాబుల నేపథ్యాన్ని తెలిసికొన్న తరవాత ఈ రెండో జాబు చదవండి.
• అణుఒప్పందం గురించి సవివరంగా విశ్లేషించిన జాబు ఇది. ఒక పరిశోధనాపత్రం లాగా, తగు మూలాలను, అకరాలను ఉదహరిస్తూ పప్పు నాగరాజు రాసిన ఈ జాబు మా ఈనెల జాబుల్లో ఒకటి.

హైదరాబాదు బుక్ ట్రస్ట్ వారి బ్లాగు చూస్తున్నారా? తాము ప్రచురించిన పుస్తకాల గురించి వారీ బ్లాగు రాస్తున్నారు. మన మంచి పుస్తకాలు అంటూ రాసిన జాబులో, తమ పుస్తకాలను పాఠకులెలా తెప్పించుకోవచ్చో వ్యాఖ్యల్లో రాసారు. ప్రస్తుతం ఆన్‌లైనులో అమ్మే సౌకర్యం వారింకా ఏర్పాటు చేసుకోలేదు. ఎవరైనా సాంకేతిక సాయం చేస్తే వారు అందుకు సుముఖంగానే ఉన్నట్టున్నారు.

జల్లెడ వారు ఉత్తమ తెలుగు బ్లాగు టపాల పోటీ పెట్టారు చూసారా? మీరు పాల్గొంటున్నారా?

ఆది బ్లాగరిగా మన్ననలందిన చావా కిరణ్, తన బ్లాగును మూసేసి, బ్లాగు సెలవు పుచ్చుకున్నారు. ఒక అధ్యాయం ముగిసింది.

——————–

జూలైలో బ్లాగు మొదలుపెట్టి ఏకంగా 47 జాబులు రాసి పారేసిన ఓ బ్లాగరి గురించి చెబుదామనుకున్నాం. అయితే వారు రాయడం సంగతేమోగానీ, ఇతర బ్లాగుల్లోంచి జాబుల్ని కొట్టెయ్యడంలో మాత్రం సిద్ధహస్తులని తెలిసాక, ఆ బ్లాగుకు ఈ ప్రత్యేక స్థానం కల్పిస్తున్నాం. వారి కళావైశిష్ట్యానికి మచ్చుతునకగా కింది లింకులను చూడండి. ఇలాంటివి ఆ బ్లాగులో మరిన్ని ఉన్నాయని తెలుస్తోంది. మీకు తెలిసినవి కూడా రాస్తే నికరంగా వారి స్వంత రచనలేవో తెలుసుకునే అవకాశం ఉంటుంది.

• వారి బ్లాగులోని ముక్క:http://aradhanaa.blogspot.com/2008/07/blog-post_8862.html
• మూలం: http://vinnakanna.blogspot.com/2008/07/blog-post.html

———————-

-సిముర్గ్, వీవెన్, చదువరి పొద్దు సంపాదకవర్గ సభ్యులు