తెలుగు ఫాంట్ల తయారీ పోటీ

ఉత్తమ తెలుగు ఫాంట్ల తయారీకై ప్రముఖ నెజ్జనుడు రవి వైజాసత్య నడుం కట్టారు. అత్యుత్తమ ఫాంటు తయారు చేసిన వారికి 10,000 రూపాయలు బహుమతిగా ప్రకటించారు. ఎంపికైన ఫాంటును అందరికీ అందుబాటులో ఉండేలా, సార్వజనికంగా (పబ్లిక్ డోమెయినులో) విడుదల చేస్తానని కూడా ప్రకటించారు. చరసాల ప్రసాదు ఆయనకు తోడుగా నిలిచి రెండో బహుమతిగా 5000 రూపాయలు ప్రకటించారు. పోటీకి చివరి తేదీ వంటి ఇతర వివరాలు ఇంకా నిర్ణయించవలసి ఉంది. ఈ విషయమై తెలుగుబ్లాగు గుంపులో – http://groups.google.com/group/telugublog/browse_thread/thread/2ea7c3169af43c5 – చర్చ జరుగుతూంది.

రవి, ప్రసాదు తీసుకున్న ఈ నిర్ణయం ఎంతో కొనియాడదగ్గది. నెట్లో తెలుగు వ్యాప్తికి ఇది ఎంతో దోహదపడే చర్య. వారిద్దరినీ పొద్దు అభినందిస్తూంది.