అటువంటి అరుదైన విషయాల్లో పల్సు పోలియో ఒకటి. ఇటీవలి కాలంలో దేశవ్యాప్తంగా ప్రభుత్వాలు చేపట్టిన బృహత్తర కార్యక్రమాల్లో పల్సు పోలియో ఒకటి. ఇలాంటి కార్యక్రమాలను మరి కొన్నింటిని చేపడితే, వాటినీ అదే చిత్తశుద్ధితో జరిపితే ప్రజారోగ్యం విషయంలో మంచి ఫలితాలు సాధించే అవకాశం ఉంటుంది. అలాంటి కార్యక్రమాలో రెండు మూడు:
- ప్రజలను ముడి బియ్యం తినేలా ప్రోత్సహించడం: ముడి బియ్యంలో పోషకాలు – ముఖ్యంగా బి విటమిను – బాగా ఉంటాయి. పాలిషు పేరిట వాటి తీసిపారవేసి, కేవలం కడుపు నింపే ఆహారాన్ని తింటున్నామని ప్రజలకు చెప్పాలి.
- వారంలో కనీసం మూడు రోజులు ఆకు కూరలు తినేలా ప్రచారం చెయ్యాలి.
- శుచీ శుభ్రత విషయంలో ప్రజలకు జాగ్రత్తలు బోధించడమే కాకుండా, వాటిని పాటించేలా బాగా ప్రచారం చెయ్యాలి.
ప్రజలు ఆరోగ్య నియమాలను పాటించడం మీద ప్రభుత్వం వెచ్చించే ప్రతి పైసా కూడా భవిష్యత్తుపై అది పెట్టే పెట్టుబడే. ఆ పెట్టుబడి ప్రజారోగ్యాన్ని రక్షించడమే కాక, డాక్టర్ల కోసం, మందుల కోసం ప్రజలూ ప్రభుత్వమూ ఖర్చు పెట్టే కోట్లాది రూపాయలను ఆదా చేస్తుంది. కానీ రోగాలొచ్చాక, వైద్యం కోసం పెట్టే ఖర్చు కేవలం ఖర్చే. దాన్నుండి వెనక్కి వచ్చేదేమీ ఉండదు.
ఎయిడ్సుపై ప్రచారంలో భాగంగా ఆరోగ్య మంత్రి కండోములమ్మారట.. ముడి బియ్యమే వండండి అమ్మలారా, అవే తినండి బాబుల్లారా అని కూడా చెబితే బాగుంటుంది కదా!
One Response to కబుర్లు