బ్లాగుల పేరడీ - 1

అంత మందిని చీమలు కుటేసిన తరువాత నన్ను కుట్టటాని మా ఆఫీసు దరిదాపుల్లో ఎక్కడా ఒక్క చీమ కూడా కనపడలేదు నాకు. మనం ఆతమహత్యలు చేసుకోవడానికి వెళ్ళి లారీలను రైళ్ళను ఎలా గుద్దేస్తామో, చీమలు కూడా ఆత్మహత్య చేసుకోవడానికి వచ్చి మన్ల్ని కుటేస్తాయేమో. చీమే కదా అని అనుకుంటాం కానీ దగ్గరనుండీ చూస్తే అవి చాలా భయంకరంగా కనబడతాయండీ బాబు.

పేరడీ అంటే ఇలా ఉండాలి. చదువుతోంటే, ఆయా బ్లాగర్లే వ్రాసారా అన్న అనుమానం వచ్చింది. మంచి ప్రయోగం. మిగిలిన బ్లాగర్లకి కూడా తొందరగా చీమలు కుట్టేస్టే బాగుండును.

హహహహ చూసారా చీమ బ్లాగ్ప్రపంచంలోని అతిరధ మహారధులందరిని కుట్టింది. నా జోలికి రాలేదు. బహుశా నన్ను కుట్టితే పట్టుకుని చీమలపై పలు రకాల ఉప్మాలు, ఇడ్లీలు, దోశలు, కూరలు, పులుసులు రాసేస్తాననుకుందేమో ఆ బ్రతకనేర్చిన చీమ.

అతిరధమహారధులందరిని చీమలు కుట్టేసాయన్నమాట.
ఉదయాన్నే బహుచక్కని పేరడీల పలహారం పెట్టారండి.చాలా చక్కని ప్రయోగం.రాసినవారికి అభినందనలు.ఎవరి పేరడీలు వాళ్ళే రాసారా అన్నట్లుగా వున్నాయి. రాసినవారి పేరు చెప్తే ఇంకా బాగుంటుంది. ముఖ్యంగా విహారి గారిది, ఒరెమూనా గారిది, రానారే గారిది అదుర్స్. ఇంకా నవ్వాపుకోలేకపోతున్నాను.
మిగతావి కూడా తొందరగా పెట్టేయండి మరి.

నాకు రానారే, శోధన ఎంట్రీ లు బాగా నచ్చాయి. చాలా బాగా రాసారు.

అన్నట్టు, ఇది వ్రాసినవారెవరో తెలుసుకోవాలని మిగతా బ్లాగర్లలాగానే నాకు కూడా చాలా ఉబలాటంగా ఉంది.

కొన్ని బ్రహ్మాండంగా ఉన్నాయి, మిగిలినవి బావున్నాయి. రాబోయేవి ఎలా ఉంటాయో!!

వైద్యో నారాయణో హరి!
వందనాలయ్యా నీకు చదువరి!!

యిపరీతంగా తలనొస్సాంది, పైగా చానా పొద్దుబొయింది, యింగ పండుకోవాల అనుకుంటాండంగా మన గుంపులో 'సీమ'కుర్తోళ్ల జాబు గనపడె. ఓహో,, పొద్దులో ఏందో కొత్తదొచ్చింది, బాగున్నిట్టుండాదే సూజ్జాంపా అని ఇట్టొచ్చి. సామీ నిజ్జంగా జెప్తాండా "వీవెన్: చీమ కుట్టింది, నెప్పి పుట్టింది." అనేది సూడంగానే నా తల్నొప్పి యట్టబాయనో యెగిరిపాయ. ఇంగ ఆణ్ణించి "ఆడచీమలు కుట్టేది ఆపేక్షతోనే - విలాపవిహారి - అది తిరగబడి మనలను కుట్టేవరకు పరిస్థితిని తీసుకొచ్చిందెవరు - అహమేవా ఈశ్వరహ ?? - ఇవి అన్ని ఆపరేటింగు సిస్టముల్లోను కనిపిస్తాయి - నెప్పి కంటే మనుషులకు తీసిపోని దాని ప్రవర్తన నాకెంతో బాధ కలిగించింది - కంటి కెందుకో ఈ ప్రసవవేదన! - రాత్రి చీమ నన్ను ముద్దు పెట్టుకుంది - నెల్లూరుకెళ్ళొచ్చాక ప్రతిసారీ నన్ను ..." వొగోటీ వొగ నాటుబాంబు. వీవెన్, కల్హార, ఒరెమునా పేరడీలకుగాను కేంద్ర సాహిత్య అకాడెమీ అవార్డు ఇయ్యాల్సిందే. కడుపు పగిలేటిగా నొగిచ్చినావు - సల్లంగుండు మారాజా("శ్రీకృష్ణదేవరాయలు" నుంచీ కాపీ). చీమ-ఉంగరం సంగతి త్రివిక్రమ్‌తో రాయించాల్సింది.

బ్లాగుల పేరడీ బాగు బాగు.
అతిరథ మహారథులింకా కొందరు మిగిలే ఉన్నారు. బహుశా మలివిడతలో వస్తారేమో? ఇంకా వ్యాఖ్యలకు కూడా పేరడీలు రడీగా ఉన్నాయని ఊరిస్తున్నారు. శేషాచలపతి గారన్నట్లు కొన్ని బ్రహ్మాండంగా, మిగిలినవి బాగా ఉన్నాయి. మలివిడతలో కూడా ఇదే తూకం పాటిస్తారనుకుంటున్నా.

నాగరాజు గారు రాసారని నేనుకుంటున్నాను. లేకపోతే సిముర్గ్ గారయిఉండవచ్చు.

షడ్రుచులు : చీమ కుట్టు కారం

చీమలు : ఒక రెండు (మంచి బలిసినవి, చురుక్కా వున్నవి)
మనిషి : ఒకటి (మంచి గాఠ్ఠి కంఠం వుంటే మంచిది)

విధానం : ముందుగా చీమలను ఒక దగ్గర కూర్చో పెట్టి, బాగా భయపెట్టాలి.

తరువాత వాటికి ఒక రెండు పంచదార పలుకులు ఇవ్వాలి.

అవి తినేలోగా ఆ పలుకులను తీసి శుభ్రంగా తోమి కడిగిన మనిషి తొడ మీద వుంచి..అక్కడ ఆ రెండు చీమలునూ వదలాలి.

రెండు చీమలను రెండు దెబ్బలు తగిలించాలు..

కర్ణపేయమైన చీమ కుట్టు కారం సిద్ధం...

హ్హ హ్హ నవ్వాపుకొలేక మద్యలో ఆపి మళ్ళీ చదివా!
అబ్బబ్బ ఎవర్నాయనా ఇంత గొప్పగా రాసింది? నాకు "ఒరేమునా" పేరడీ చదువుతున్నా, "కళర" కవిత చదువుతున్నా, రానారె చెట్టుచాటుకు ఉచ్చబోయడానికెళ్ళి ఏడ్చిన ఘట్టం చదివినా (రానారె అయితే పెదపంతులు అనేదానికి బదులు పెదయ్యవారు అనేవారేమొ) నవ్వే నవ్వు. పొద్దే పొద్దు. కొనసాగించండి హవా!

--ప్రసాద్
http://blog.charasala.com

చాలా బాగా రాసారు. భలే నవ్వించారు (నవ్విస్తున్నారు).
చాలా బాగుంది.

లలిత.

భలే భలే....బ్లాగ్జరుక్ శాస్త్రి ఎవరో...అభినందనలు!

ఎవరు వ్రాసారోగాని చాలా క్రీయేటివిటి ఉన్నవారు.

[...] ఉదయాన్నే బ్లాగర్లు వారి వారి పనుల్లో నిమగ్నమై ఉన్నప్పుడు, ఉరుములేని పిడుగులా ఒక్క ఫలంగా అజ్ఞాత వాహనాల్లో వచ్చిన చీమలు బ్లాగర్లపై దాడి చేసినాయి. ఈ దాడిలో పలువురు గాయాలపాలయినారు. దృష్యం బ్లాగోతంపై హృదయ దయనీయంగా ఉన్నది. ఈ విషయాన్ని బ్లాగ్సంఘం, బ్లాగ్గుంపు తీవ్రంగా ఖండించినాయి. భవిష్యత్తులో ఇటువంటి సంఘటనలు జరగకుండా సరి అయిన చర్యలు తీసుకోవాలని ఐక్య బ్లాగ్రాజ్య సమితికి మనవి చేసుకున్నారు. పలువురు ప్రముఖుల ఖండన: బుస్షు దొర గారూ, సింగయ్య గారు, బ్లారయ్య గారు, రెడ్డాయ్య గారూ, తీవ్రంగా ఖండించినారు. ఇటువంటి సంఘటనలు జరక్కుండా అందరూ ఐక్యంగా ఉండి ఎదుర్కోవాలని, ఇటువంటి సమయంలోనే అందరూ ఐక్యంగా ఉండాలని మనవి చేసుకున్నారు. [...]

మొత్తానికి గాఢసుషుప్తావస్థలో ఉన్న నన్ను ఈ చీమ చురుక్కుమనిపించేలా కుట్టి కితకితలు పెట్టించింది. అబ్బా...ఎంతగా నవ్వానో నాకే తెలియదు. మరీ ముఖ్యంగా చావా, రానారె, నాగరాజు గారి పేరడీలు అదిరాయి. మిగతావన్నీ కూడా నవ్వించాయి...?డుముక్రవిత్రి/తిజ్యో రువానసిరా

సభాముఖంగా మనవి చేసేదేంటంటే - నేను పద్యాలకే తప్ప గద్యాలకి పేరడీలు రాయను!
ఐనా ఇంత చమత్కారంగా రాసిన అనుకరణలు నేను రాశానని భావించినందుకు ధన్యవాదాలు.
బ్లాగ్గజాలన్నిటికీ (దిగ్గజాలు కాదు, దిగ్గజాలైతే ఎనిమిదే ఉంటై) చీమ కుట్టించడం ఒక యెత్తైతే, సదరు గజాలన్నీ ఒకరినొకరు అనుమానించి ఆటపట్టించుకోవటం మరొక యెత్తు.
మొత్తానికి ప్రతి పొద్దు పొడుపూ కొత్తగా ఉంటోంది - నిన్న లేని అందమేదో నిదుర లేచెనెందుకో!

ఈ బ్లాగ్జరుక్ శాస్త్రి ....జర్క్‌శాస్త్రి..."చదువరి" అని నా ఘట్టి నమ్మకం. చీమ కుడితే నెప్పిగా వుంటుందనే అనుకునేవాడినే గాని ఇంత హాయిగా వుంటుందని ఇప్పుడే తెలిసింది.
-నేనుసైతం

వోటింగ్ మొదలుపెడదాం...

త్రివిక్రమ్ కి నా అర వోటు

చదువరి గారికి ఒక అర వోటు

నా అనుమానం కొవ్వలి వారేమో అని. ఇలాటి పేరడీలు కట్టడానికి కావల్సిన చతురత - అందులో ఎవర్నీ నొప్పుంచకుండా చెప్పగలిగే విజ్ఞత, చీమ కుట్టడం లాటి అంశాన్ని కూడా అన్ని కోణాల్లో ఆలోచించగలిగే నైపుణ్యం వారికున్నాయి.
ఈ పేరడలన్నీ చదువుతుంటే, నాకెందుకో సత్యశోధన బ్లాగే కనిపిస్తోంది.

ఇక్కడ వ్యాఖ్యానించని బ్లాగరులు

౦౧. చదువరి గారు
౦౨. త్రివిక్రమ్
౦౩. సీ.బీ.రావు గారు
౦౪. ...ఇక్కడ జత చేయండి..

ఇదేదో పెద్ద స్కాములా వుంది. వెంటనే ఛేదించాలి ;-)

త్రిమూర్తుల్లో ఇంకోపేరు మరిచా- సిముర్గ్. ఇంకో విశేషం- ఎప్పుడూ మన జ్యోతిగారి 'సరదా'కి తండోపతండాలుగా పోయే జనం ఈసారి ఇక్కడే తిష్ట వేసినట్లున్నారు.

:))

నాకు ఒరెమూనా, రానారె పారడీలు బాగా నచ్చాయి. హహహహహ నవ్వలేక నవ్వలేక చాలా బాధ పడ్డానంటే నమ్మండి. నిజానికి ఈ బాధ చాలా మధురమైనది.