వెన్నెల మేనా..

కలల మెట్ల మీదకొలువు దీరిన జంటబొమ్మలంవెలిసిపోని ఒకే ఆత్మలం – మనం.చల్లగాలులకు పంటగట్ల కెళ్ళిసరసంగా ఒక చెరకు గడ పెరకిఈ మొదలు నువ్వు – ఆ చివర్న నేనూరస మాధుర్యాలను చెరిసగంగా ఆస్వాదించాల్సిన ప్రేమికులం. 

సందె వేళ –

నే సిగ కట్టి, నువ్ చిట్టిచేమంతుల చెండు చుట్టి

మొగలేఱు అద్దంలో మనం – మురుసుకుంటూంటే..

ఫక్కుమన్న చుక్కల భరతం పట్టాలని – పరుగులు తీసే కోడెగాళ్ళం.

 

ఒకరి చేతుల మీద ఒకరంగా

జంట పిట్టలకు మల్లే.. గాల్లో తేలుతూ

పిల్లపక్షులకు ఈత నేర్పాల్సిన ఈడుగాళ్ళం

 

కన్రెప్ప పాటే జీవితం.

కలసి పంచుకునే సంతోషాలే – శాశ్వతం.

 

నలుపు తెలుపు ‘కల’నేత వస్త్రాలు ధరించిన దేహాలం మనం.

చీకటి చీలినప్పుడో..వెలుగు విరిగినప్పుడో..

ఎవరికి వారం ఒకరొకరంగా విడిపోవాల్సిన వాళ్ళం.

 

మనకంతా తెలుసు జీవన సారం.  ఔనా?

మరి ఈ కాసిన్ని క్షణాలకే

తూర్పుకి తలపెట్టుకుని నువ్వూ, పడమరకి ముఖం తిప్పుకుని నేనూ..

ఇలా శతృశిలలకు మల్లే బ్రతుకుతున్నామెందుకనీ?

ఏమో, ఇపుడెందుకులే ఆ సంగతులూ..

పండగపూట అనుకోడాల్నూ !

 

ఒట్టు.

ఈ చలి కాలం నుంచైనా మనం.. సరికొత్త జంటలౌదాం.

పుష్యంలో రాలే నిశాపుష్పాల తడుద్దాం.

 

సంకురాతిరి సాక్షిగా –

పూటకో వెన్నెల పక్క

ఇంటెనక జొన్నమొక్క పక్క

కొండ మీద తళుక్కుమన్న వెండి చుక్క

నీ నవ్వే-

నా వలపు వాకిట బంతి పూ రెక్క.

 

కాలమొక కలం. ఆకాశాని కేది అంతం!

మనమధ్య మంచు తెరలు మాసాక, ఇక కథంతా సుఖాంతం.

ఇలా క్షణం క్షణం జీవితం  –  సంక్రాంతి సంబరం.

About ఆర్ దమయంతి

దమయంతి గారు 25 కవితలు, 50 కథలు రాశారు. కానీ, ఎప్పటికప్పుడు రచనలకు కొత్తేనని చెప్పుకుంటారామె. చదవడం, రాయడం రెండూ ఇష్టాలే. ఐతే, ఎక్కువ ఇష్టమైనది- మొదటిది అనే దమయంతి గారికి కొన్ని పత్రికలలో జర్నలిస్ట్ గా పనిచేసిన అనుభవం వుంది.
This entry was posted in కవిత్వం and tagged . Bookmark the permalink.

5 Responses to వెన్నెల మేనా..

  1. ఎడిటర్ గారూ, నా కవిత ని పబ్లిష్ చేసినందుకు – చాలా థాంక్సండి! పొద్దు వారి సంక్రాంతి gift లా చాలా సంతోషం గా వుంది.
    గౌరవనీయులైన సంపాదకులకు, సంపాదక వర్గానికి, రచయితలకు, పాఠకులకు..అందరికీ -నా సంక్రాంతి శుభాకాంక్షలు తెలియచేసుకుంటూ…
    శుభాకాంక్షలతో-
    ఆర్.దమయంతి.

  2. lakshmi says:

    chaalaa baagundandi mee kavita… mee kaalpanika lOkamlO munigipOyi undi pOgalgitE enta haayi….asnipinchindi… congrats.

    • థాంక్స్ లక్ష్మి గారూ! మీ కాంప్లిమెంట్ కి ఆనందమేసింది. అవునూ, మీకలా వుండాలనిపిస్తే అలాగే వుండిపోకూడదూ హాయిగా !..ఇదిగో అందుకోండి సంతోషాల పూలగుత్తులు!
      మరో సారి కృతజ్ఞతలతో –

  3. Moola Veereswara Rao says:

    Thanks for nice .You are always maintaining same tempo and rhythm and sending readers to unknown delighted areas . You certainly knows the alchemy of poetry
    Simple words becoming poetry in your pen.

Leave a Reply

Your email address will not be published. Required fields are marked *