జూలై గడి సమాధానాలు, వివరణలు

గడి సులువుగా ఉండడం మూలాన కాబోలు, ఈసారి కాస్త ఎక్కువ పూరణలే వచ్చాయి. చాలామంది చాలా రోజులు ముందుగానే పూరించి, పంపించి మరో కొత్త గడి ఇచ్చెయ్యమని మారాం కూడా చేసారు 🙂 మొత్తం వచ్చిన పూరణలు 13. కానీ అన్నీ సరిగ్గా పూర్తిచేసిన వాళ్ళు ఒక్కరూ లేరు! చాలామంది “పంచాస్యచాపం” సరిగా ఎక్కుపెట్టలేక పోయారు. మరికొంతమంది మేడం గారిని గుర్తించడంలో పాదరసంలో బదులు పప్పులో కాలేసారు. ఒక తప్పుతో రాసి పంపిన వాళ్ళు స్వరూప్ కృష్ణ, సూర్య ప్రకాష్, ఆదిత్య. 2 తప్పుల వాళ్ళు జ్యోతి, చిట్టెళ్ళ కిరణ్, సుజాత (మనసులో మాట).

మిగతావాళ్ళ వివరాలు:

  1. సుగాత్రి – 3 తప్పులు
  2. మల్లంపల్లి – 4 తప్పులు
  3. సుధారాణి పట్రాయని – 5 తప్పులు
  4. రవి (బ్లాగాడిస్తా) – 4 తప్పులు
  5. స్నేహ – 10 తప్పులు
  6. కృష్ణుడు – 13 తప్పులు
  7. దైవానిక – 4 తప్పులు (చామ, చాట రెండు తప్పులుగా పరిగణించాను)

-కామేశ్వర రావు.

1

2

3గుం

4 రె

5

6 రా

7 దే

8

స్తి

9 నా

పు

10 రం

11 ట్టు

12

హి

13

14

మే

ణె

15

16

గో

విం

దం

ర్యా

17 తు

షా

ము

18 ని

రు

డు

ర్భు

19

యిం

చు

20తో

21

రా

జం

22 ని

23న్నా

24మిం

చు

25క్యూ

26చే

27కృ

ష్ణా

ము

28కుం

దా

ము

29 రా

రీ

న్న

30 బా

పా

తు

31

రీ

32సం

33చా

34 బూ

చా

డు

35 సీ

తి

36వా

ర్లీ

ర్య

37

యూ

ఖం

38పం

చా

స్య

చా

పం

39 కొ

40ర్మ

జా

41కో

లా

ప్లిన్

42మ్మ

43 కా

ము

ని

వై

రి

44ము

45నా


వివరణలు:

అడ్డం
======

1. One (1) – ఒ (45 అడ్డం చూడండి)

4. Two (1) – రె (45 అడ్డం చూడండి)

5. ఇదేరా మేరా ఉద్దేశాలు (3) – ఇరాదే. హిందీలో ఉద్దేశాలు ఇరాదే, “ఇదేరా” అనాగ్రాము.

8. నావూరేనుగు (5) – హస్తినాపురము.

12. ఎటుచూసినా ఒకలాగే ఉంది, ఏమిటీ మాహాత్మ్యం! (3) – మహిమ

14. వెంకటేశం చెగోడీలు కోరుకొనే మంత్రం (2) – చమే. కన్యాశుల్కంలో వెంకటేశం “చేగోడీ చమే, గడ్డ పెరుగూ చమే, కందిగుండా చమే” అంటూ చమక పారాయణం చేస్తాడు.

15. ముసలి వైయాకరణుని చూసి ఆచార్యులవారు పొంగించిన వైరాగ్య కవిత్వాన్ని యిది“గో విందాం”. (2,3) – భజ గోవిందం.

17. హుషారుగొలిపే మంచు (4) – తుషారము

18. పేదవాడికున్న ఒకే ఒక Title, అతడిని ఇంకా పేదవాణ్ణి చేస్తుంది ! (2) – నిరు.

19. 16 నిలువులోనే ఉంది గెలుపు (3) – జయించు. 16 నిలువు “జనియించు”లో ఉన్నది.

20. పాపం పసివాడు, ప్రథమా విభక్తులని కోల్పోయాడా? నిజం చెప్పమంటారా, అబద్ధం చెప్పమంటారా? (3) – తోటరా. పాతాళభైరవిలో ప్రేమకోసం వలలో పడిన పాపం పసివాడు తోటరాముడు. ప్రథమా విభక్తులు “డు ము వు లు” లలో “ముడు”లను కోల్పోయాడు.

22. నన్నూ రేపూ కాదు, మరి…? (2) – నిన్నా. నిన్ను+ఆ, నిన్న+ఆ

24. ఇంచుమించు సగం చూస్తే చాలదూ, ఆకాశంలో మెఱుపు కనపడ్డానికి (2) – మించు. మించంటే మెరుపు. “ఇంచుమించు”లో సగం.

26. ఈ కూర తింటే అర్జున చిరునామా గుర్తుకు రావలసిందే! (2) – చేమ. అర్జున చిరునామా “విజయ విలాసం”. దాన్ని రాసిన కవి చేమకూర వేంకటకవి.

27. కలియుగ వేంకటేశుని ఇన్ని పేర్లతో పిలవబోతున్నారా? అంతా ఆ పాండురంగని లీల! (2, 3, 3) – కృష్ణా ముకుందా మురారీ. ఈ పేరుతో వెంకటేష్ సినిమా రాబోతోందిట.

30. మధ్యలో సాగిన అదో తరహా (3) – బాపాతు. బాపతు అంటే తరహా. మధ్యలో సాగింది.

31. 19 నిలువును చుట్టుకున్న బంగారపు నూలుపోగు (2) – జరీ. 19 నిలువు మొదటి చివరి అక్షరాలు కలిపితే వస్తుంది.

32. అమ్ము(డు) పోయిన దీపావళి పటాసులు (2) – సంచా. బాణా సంచా అంటే దీపావళి పటాసులు. అమ్ము అంటే బాణం.

34. బుల్లిపెట్టెలో దాగిన బుచ్చీ దొరంటే, అమ్మో నాకు బయ్యం! (3) – బూచాడు. “బూచాడమ్మా బూచాడు బుల్లిపెట్టెలో దాగాడు” బడిపంతులు సినిమాలో పాట. బూచాడన్న పదం “బుస్సీ” దొరనుంచి వచ్చిందంటారు.

35. కార్పెట్టునలా గడబిడగా చుట్టేసావేం? (3) – తివాచీ లేదా తివాసీ గడబిడ అయ్యింది.

37. యజ్ఞం మధ్యలోకి నువ్వు వేంచేస్తే కాంతి కిరణం ప్రసరించదూ! (3) – మయూఖం. మఖం అంటే యజ్ఞం, మధ్యలో “యూ” (నువ్వు) వస్తే మయూఖం, అంటే కిరణం.

38. శివధనుస్సుని ఎటునుంచి ఎక్కుపెట్టినా ఒకటేనట! (5) – పంచాస్యచాపం. అంటే శివధనుస్సు. ఎటునుంచి చూసినా ఒకటే పదం.

40. ప్రతివింధ్య జనకా, ఆ తడబాటేలనయ్యా ? 28 నిలువుని చూసేసరికి నువ్వాడిన అబద్ధం గుర్తుకు వచ్చిందా ! (3) – ర్మజాధ. ధర్మజా తడబడింది. ధర్మ రాజు కొడుకు పేరు ప్రతివింధ్యుడు. ధర్మ రాజు “అశ్వత్థామ హతః, కుంజరః” అని అబద్ధం కాని అబద్ధం చెప్ప్తాడు కదా.

41. శ్రీదేవి శారదనిలాగే పిలుస్తుంది, కైటభదైత్యమర్దనుని మీద ఒట్టు! (3) – కోడలా. లక్ష్మీ దేవికి సరస్వతి కోడలవుతుంది, బ్రహ్మ విష్ణుమూర్తి కొడుకు కాబట్టి. “కైటభదైత్య మర్దనుని గాదిలి కోడల” అని పోతనగారి “కాటుక కంటినీరు” పద్యంలో వస్తుంది.

42. నీ ఉత్తరం వెనక్కి తిరిగివచ్చిందని ఎందు“కమ్మ“ అంత విచారం! (2) – మ్మక. ఉత్తరానికి అచ్చ తెలుగు పదం కమ్మ. అది వెనక్కి తిరిగింది.

43. కందర్పదర్పహరునికి ఎందు “కా మునితో“ శత్రుత్వం? (3,2) – కాముని వైరి. కందర్పహరుడు శివుడు. కందర్పుడంటే మన్మథుడు. కాముడన్నా అతడే.

44. Three (1) – ము లేక మూ. 45 అడ్డం చూడండి.

45. Four. క్లుప్తంగా నాలుగంకెలు లెక్కబెట్టడానికి ఇంత చచ్చే “చావా”! “బ్లాగా”నే ఉంది సంబడం! (4) – న లేక నా. 1, 4, 44, 45 కలిపి నాలుగక్షరాల ఒకే పదం “ఒరెమున”. మన బ్లాగరు చావా కిరణ్ గారి బ్లాగు పేరు. అది “ఒకటి రెండు మూడు నాల్గు”కి abbreviation (అని అతనే చెప్పుకున్నారు). ఇలా కొన్ని ఆధారాలు కలిపి ఒకే పదం రావడం గడిలో చేసే విచిత్రాలలో ఒక రకం.

నిలువు
=====

2. దేవుడంటే నమ్మకమున్నవారి దగ్గరున్న సంపద (2) – ఆస్తి. దేవుడంటే నమ్మకమున్న వాళ్ళని ఆస్తికులు అంటారు.

3. 15 అడ్డంలో ఉన్నవాడు ఇందులో చేరితే ఊరూపేరూ లేకుండా పోతాడు! (2) – గుంపు. 15 అడ్డంలో ఉన్నవాడు గోవిందుడు. “గుంపులో గోవిందం” అన్నది ఊరూపేరూ లేనివాడిని సూచించే జాతీయం.

6. లంకపై దాడిచేసింది ఎవరితో? మురళీమోహన్ సరితా పిల్లలతోనా! (2,3) – రామ దండుతో. “రామ దండు” మురళీమోహన్ సరితా నటించిన సినిమా.

7. శరీరమున్నవాడు ఇలాగే అడుగుతాడు (2) – దేహి. శరీరమంటే దేహము. దేహి అంటే ఇమ్మని అడగడం.

8. మమ్మల్ని షాగారు వెంటాడుతునే ఉంటారెప్పుడూ (3) – హమేషా. “మమ్మల్ని” హిందీలో “హమే”. హమేషా అంటే ఎప్పుడూ అని కదా అర్థం.

9. అటూ ఇటూ బొమ్మా బొరుసూ (3) – నాణెము.

10. తాను ప్రేమించినది ప్రా“రంభ”ములోనే ఉందంటాడు మొండివాడు (2) – రంభ. “తా వలచినది రంభ” అని పట్టుపట్టేది మొండివాడు.

11. రోకటిపోటు తగిలి చెల్లాచెదరయిపోయింది! (4) – ట్టుగోరుచు. గోరుచుట్టు చెల్లాచెదరయ్యింది. “గోరుచుట్టుపై రోకటి పోటు” అన్నది సామెత.

13. రఘుకులేశుని బ్రదరు చాలా తెలివైనవాడు. హద్దులోనే ఉంటాడు (3,3) – మర్యాద రామన్న. మర్యాద అంటే హద్దు అని అర్థం. రామ+అన్న.

14. గణపతికీ రేఖా గణితానికీ లింకా! మరీ చతురులండీ మీరు! (4) – చతుర్భుజం. “శుక్లాంబరధరం” శ్లోకంలో వస్తుందని అందరికీ ఈపాటికి తెలిసే ఉంటుంది. Geometry (రేఖా గణితం)లో కూడా మనకి కనిపిస్తుంది కదా.

16. నిజముగ మా యింట ఉదయించుము (5) – జనియించు. ఉదయించు అంటే పుట్టడమని కూడా అర్థం. మొత్తం ఆధారంలో “జనియించు” అన్న అక్షరాలు ఉన్నాయి.

19. ఆ నేల రాస్తాని ఎంత సాగదీసినా ఏం లాభం లేదు. అదెప్పుడో రద్దయిపోయింది (4) – జమిందారీ. జమీన్ – నేల. దారి – రాస్తా.

21. ఇంతున్న వినాయకుడి చెవిని అలా మెలితిప్పేసారేమిటి! ఎందపరియం ఇంద… (2) – చేట. వినాయకుడిని “శూర్పకర్ణుడు” అంటారు. “శూర్పం” అంటే చేట అని అర్థం. సరే ఆధారంలో రెండో భాగం నాకన్నా పూరకులకే బాగా తెలుసు!

22. అంతో ఇంతో నిషాణాగల నేర్పరి! (4) – నిష్ణాతుడు.

23. బుజ్జిగాడలా పల్టీ కొట్టాడానికి కారణమే“మున్నా”ది చెప్మా? (2) – న్నాము. మున్నాయే బుజ్జిగాడని మళ్ళీ ప్రత్యేకంగా చెప్పక్కరలేదు కదా.

25. పాదరసంలో దాగిన మేడం (2) – క్యూరీ. “మెర్క్యూరీ”లో ఉన్నారు. “మేడం క్యూరీ” ప్రఖ్యాత శాస్త్రవేత్త. దీనికి కొందరు “మేరీ” అని రాసారు. మేరీని “మేడం మేరీ” అనరు కదా.

27. కుంభపౌత్రుడు ఇతని భాగినేయుడే ! దయగల గురువు (4) – కృపాచార్య. కుంభపౌత్రుడంటే అశ్వత్థామ (కుంభ పుత్రుడు ద్రోణుడు కాబట్టి). భాగినేయుడంటే మేనల్లుడు (భగిని – సోదరి. ఆమె కుమారుడు). “కుంభ పౌత్రా! కృపాచార్య భాగినేయా! కించిత్కాలమోపిక పట్టుము. అందరమూ పోవచ్చును” అని కృష్ణ రాయబారంలో డైలాగు.

28. ఈ ఏనుగుల గుంపులో అయిదే ఏనుగలు! తెలీకపోతే జర తెనాలివారినడగండి!(3,3) – కుంజర యూధము. “కుంజర యూధమ్ము దోమ కుత్తుక జొచ్చెన్” అన్న సమస్యకి తెనాలి రామకృష్ణుడు చేసిన పూరణలో పాండవులే కుంజర యూధము.

29. అతిగ రాగాలు పలికే ఫలవైరికి కార్టూన్లు వెయ్యడం కూడా వచ్చా ! (3,3) – రాగతి పండరి. కార్టూనిస్టు. “పండు + అరి” – “పండరి”.

30. నువ్విలా పిలిస్తే ఒక నాయకుడూ ఇద్దరు నటులూ పలుకుతారురా అబ్బాయీ (2) – బాబూ.

33. నవ్వుల చాచాని చూడ్డానికి చిన్నపిల్లలే కాదు పెద్దవాళ్ళుకూడా ఇష్టపడతారు (2,2) – “చా”ర్లీ “చా”ప్లిన్.

36. ఓరీ వాగుడుకాయా, నీతో ఎ“లా చావా”లిరా! (3) – వాచాలా. వాచాలుడంటే ఎక్కువ (అనవసరంగా) మాట్లాడే వాడు.

37. చిరంజీవి అల్లుడైతే తమాషా అనుకున్నారా! (3) – మజాకా.

39. తరుణీ, ఆ తరుశాఖను తీసుకొ అమ్మ (2) – కొమ్మ. కొమ్మ అంటే అమ్మాయి, తరుశాఖా, తీసుకో అన్న మూడర్థాలూ ఉన్నాయి.

41. పేరుమాటెలా ఉన్నా ఈవిడ గొంతు సరళంగా ఉంటుందంటే ఎవరూ ఒప్పుకోరు (2) – కోవై. కోవై సరళ గొంతు గురించి మరి చెప్పక్కరలేదు.

This entry was posted in గడి and tagged . Bookmark the permalink.

6 Responses to జూలై గడి సమాధానాలు, వివరణలు

  1. పంచాస్య చాపాన్ని పంచాపచాపం అని రాశానన్నమాట. మరి నా రెండో తప్పేంటి చెప్మా, దొరకట్లేదు?

  2. సుజాతగారు,
    మీరు ఇంచు”మించు” సరిగానే రాసినా, మెరుపుని కాస్త సాగదియ్యడం వల్ల రెండు తప్పులయ్యాయి 🙂

  3. 38 అడ్డం నడిమి అక్షరం నేనూ పప్పుళొ కాలేశా.

    అసలు అంతకంటే పెద్ద మిష్టేకు, ఎప్పుడో నింపేసి, ఆ టైముంది గదాని తాత్సారం చేస్తూ అసలు పంపడం మర్చిపోయా .. 🙁
    అన్నట్టు 44 .. “మూ” అని దీర్ఘం ఉండొద్దూ?

  4. suryaprakash says:

    క్యూరియాసిటి కొంచెం ఎక్కువయి క్యూరిని మిస్సయిపోయాను. ఆగస్టు నెల గడికి ఇంకొంచెం జాగ్రత్త పడాలి.

  5. దైవానిక says:

    మా ఓరుగల్లు లో చామకూర, చాటలు అంటారు 🙁 కదా అని అలా వ్రాసా.. దానికి మరీ రెండు మార్కులు కోసెయ్యాలా 🙂

  6. దైవానిక గారు,
    అందుకేగా కుండలీకరణల్లో ప్రత్యేకించి చెప్పింది!
    సరే, మళ్ళా తెలంగాణావాదంలాంటిదేవైనా ఇక్కడ లేవదీస్తారేమో, ఎందుకొచ్చిన గొడవ, మీవి రెండే తప్పులని ఒప్పేసుకుంటున్నాను 🙂

Comments are closed.